Ermənistan Müdafiə Nazirliyi 3 aylıq təlim toplanışları keçirəcək

2021/09/456_1-1631778425.jpg
Oxunub: 744     14:32     24 Yanvar 2022    
Ermənistan hökuməti 13 yanvar iclasında rezerv qoşununun birinci qrupunda qeydiyyata alınmış sıravi, kiçik gizir və zabit heyətlərinin ehtiyatda olan hərbi qulluqçularının 2022-ci il yanvarın 15-dən aprelin 15-nə qədər 3 aylıq təlim toplanışlarını elan etmək barədə qərar qəbul edib.

Ordu.az xəbər verir ki, qərara əsasən, təlim toplanışına 20-si tibb ixtisaslarına malik olan zabit, 45-i mühəndis ixtisaslarına malik olan sıravi və kiçik gizir heyətlərinin ehtiyatda olan hərbi qulluqçuları olmaqla 65-dək hərbi qulluqçu cəlb olunacaq.

Təlim toplanışlarının təmin edilməsi məqsədilə 3 ay müddətində 2022-ci il yanvarın 15-dən aprelin 15-dək 45-ə qədər hərbi-nəqliyyat təyinatlı nəqliyyat vasitəsi cəlb olunacaq.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Təlim  


Bizi "telegram"da izləyin