Rusiya KİV-i: Ermənistan-Türkiyə danışıqlar kontekstində çoxlu ziddiyyətlər var

2022/01/timth-1643007986.jpg
Oxunub: 594     12:38     24 Yanvar 2022    
Qarabağ müharibəsinin ikinci mərhələsində Azərbaycanın qələbəsi yeni reallıqlara gətirib çıxarıb. Ermənistan və Türkiyə nəhayət barışmaq qərarına gəlib.

Ordu.az xəbər verir ki, bu barədə Rusiyanın “rosbalt.ru” nəşri “Niyə Rusiya “öz ziyanına olaraq” Ermənistan və Türkiyəni barışdırır?” başlıqlı məqalədə yazıb.

Qeyd olunub ki, İrəvanla Ankara öz nümayəndələrini təyin edib və Ermənistanla Türkiyənin xüsusi nümayəndələri arasında görüş baş tutub.

“Diqqəti cəlb edən ilk şey odur ki, son dərəcə vacib məsələlər üzrə danışıqlar aparan tərəflər arasında böyük keyfiyyət fərqi var. Məsələ burasındadır ki, Ermənistanı parlament sədrinin heç bir diplomatik təcrübəsi olmayan 30 yaşlı müavini Ruben Rubinyan, Türkiyəni isə xarici siyasət sahəsində təcrübəli şəxs, ölkənin ABŞ-dakı keçmiş səfiri olan Serdar Kılıç təmsil edir”, - deyə müəllif bildirib.

Müəllifin sözlərinə görə, güman etmək olar ki, yaxın gələcəkdə erməni tərəfi danışıqlar prosesindəki uğuru ilə fəxr edə bilməyəcək və bunlar diasporun, Ermənistan cəmiyyətinin Nikol Paşinyanın bənzər qəribə seçiminə qəzəbinə görə dayandırılacaq.

Bildirilib ki, ilkin şərtlər irəli sürməmək tezisi xüsusi bir aldatmadır, başlamış danışıqlar kontekstində çoxlu ziddiyyətlər var.

Alpər Mövludoğlu

Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Türkiyə  


Bizi "telegram"da izləyin