Rusiya XİN: Sərhədlərin delimitasiyası üzrə ikitərəfli Komissiyanın yaradılmasına tez başlamaq lazımdır

2021/12/9f21c-1639065525.jpg
Oxunub: 555     13:20     21 Yanvar 2022    
Rusiya Azərbaycan-Ermənistan sərhədindəki vəziyyətin nizamlanması ilə bağlı ardıcıl səylər göstərir.

Ordu.az xəbər verir ki, bu barədə Rusiya Xarici İşlər Nazirliyindən bildirilib.

“Azərbaycan-Ermənistan sərhədindəki vəziyyətin nizamlanması ilə bağlı ardıcıl səylər göstəririk, harada ki, təəssüflər ki, vaxtaşırı silah tətbiqi ilə insidentlər baş verir, insan itkiləri olur. Azərbaycan-Ermənistan sərhədinin delimitasiyası və demarkasiyası üzrə ikitərəfli Komissiyanın formalaşdırılması işinə mümkün qədər tez başlamaq lazımdır”, - deyə Rusiya XİN-in saytında xarici işlər naziri Sergey Lavrovun ötən ilin yekunlarına dair illik mətbuat konfransında KİV-lərin göndərdiyi suallara yazılı cavablarda qeyd olunub.

Diqqətə çatdırılıb ki, Rusiya bu prosesdə Bakı və İrəvana məsləhətçi yardım göstərməyə hazırdır.

Rusiya XİN-dən o da bildirilib ki, rəsmi Moskva saxlanılanlarla bağlı məsələnin həllində də fəal iştirak edir: “Xatırladaq ki, 2020-ci il dekabrın 2-dən Rusiya sülhməramlılarının vasitəçiliyi ilə ümumilikdə 146 nəfər geri qaytarılıb. Onlardan 127-si Ermənistan tərəfinə, 19-u isə Azərbaycan tərəfinə qaytarılıb”.

Ordu.az

© Materiallardan istifadə edərkən hiperlinklə istinad olunmalıdır


Teqlər: Rusiya   Ermənistan  


Bizi "telegram"da izləyin