“Petrosyanla siyasi əlaqələrimiz 2012-ci ildə sona çatdı, hazırda heç bir əlaqə yoxdur” - Paşinyan

2019/11/Nikol-1574246827.jpg
Oxunub: 1261     14:46     20 Noyabr 2019    
Xəbər verdiyimiz kimi, dünən Ermənistanın Baş naziri Nikol Paşinyan bir qrup rus jurnalisti qəbul edib və onların suallarına cavab verib.

Ermənistanın Baş naziri administrasiyanın mətbuat xidmətindən verilən məlumata görə, “Moskovski komsomolets” qəzetinin jurnalisti Ermənistanın birinci prezidenti Levon Ter-Petrosyan və Nikol Paşinyan arasındakı əlaqə ilə maraqlanıb.

O qeyd edib ki, Levon Ter-Petrosyanla siyasi əlaqələri 2012-ci ildə sona çatıb və bu, ictimai şəkildə elan olunub.

“Gün gəldi və biz dedik ki, vəssalam, siyasi əlaqələrimiz sona çatır. Bu, kifayət qədər uzun və ictimai proses idi. 2011-ci ilin sonlarında mən bir sıra məqalələr yazmışam, bundan sonra, 2012-ci ildə bütün siyasi əlaqələri kəsdik. Bundan sonra mən siyasi təşəbbüsümə başladım və faktiki olaraq Ter-Petrosyanla nə ideoloji, nə təşkilati, nə də siyasi əlaqəm yoxdur. Ümumiyyətlə, heç bir əlaqə. Və indi də yoxumdur”, - deyə Paşinyan bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Paşinyan   Petrosyan  


Bizi "telegram"da izləyin