Türkiyə MN: Barış Pınarı” çərçivəsində atəşkəs 30 dəfə pozulub

2019/06/milli-1559977216.jpg
Oxunub: 1186     09:10     21 Oktyabr 2019    
““Barış Pınarı” hərəkatının 120 saatlıq atəşkəs müddəti 17 oktyabrdan indiyədək 30 dəfə pozulub. Halbuki ABŞ-la Türkiyə arasında qəbul edilmiş bu razılaşma pozulmamalıdır”.

Ordu.az xarici KİV-lərə istinadən xəbər verir ki, bunu Türkiyə Müdafiə naziri Hulusi Akar bildirib.

Akar qeyd edib ki, Türkiyə əleyhinə çirkin kampaniya yenə də davam etməkdədir ki, onlardan biri də xarici mətbuatda “Barış Pınarı” hərəkatı zamanı Türkiyənin kimyəvi silahdan istifadə etməsinə dair böhtanlardır.

“Bizim kimyəvi silahdan istifadə etməmiz günün mövzusu olmamalıdır. Türkiyə kimyəvi silahdan istifadəyə qarşıdır və bu mövzuda beynəlxalq öhdəliklərə əməl edir. Əsgərlərimizin yerli əhaliyə zərər verməsi böhtanına gəlincə, qürurla deyə bilərəm ki, Türkiyə ordusunun hərbçiləri millətimizin humanizm prinsiplərinə uyğun olaraq günahsız, dinc əhaliyə zərər verilməməsi üçün səylərini əsirgəmir”, - deyə nazir bildirib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Barış-pınarı  


Bizi "telegram"da izləyin