Apreldə iki erməni əsgəri öldürən şəxsin başına 50 min dollar pul qoyulub - DETALLAR

2017/11/45646_1512029165.jpg
Oxunub: 751     16:01     30 Noyabr 2017    
İşğal altında olan Kəlbəcərdə 2 erməni hərbi qulluqçunun ölüm işi üzrə yeni məlumatlar əldə edilib.

Ordu.az erməni KİV-lərinə istinadən xəbər verir ki, 2016-cı ilin aprelin 5-dən 6-na keçən gecə döyüş ərəfəsində eyni mövqedə 2 erməni əsgərinin ölüm hadisəsi baş verib.

Baş vermiş hadisə üzrə ölən erməni əsgərlərindən biri olan Qriqor Avetisyanın ölümündə təqsirli bilinən David Dumikyanın 50 min dollar müqabilində türmədə öldürülməsi üçün sifariş edilməsi barədə məlumat daxil olub. Məlumat verən naməlum şəxsin iddialarına görə, təqsirləndirilən Dumikyanın öldürülməsini, öldürülən erməni əsgəri Avetisyanın valideynləri sifariş edib.

Daxil olmuş məlumat əsasında araşdırmalar başlanılıb. Maraqlıdır ki, zərər çəkən tərəf Dumikyan tərəfindən Avetisyanın öldürülməsinə dair istintaq orqanının araşdırmalarına inanmır.

Dumikyanın valideynləri isə doğrudan da onun həyatı üçün təhlükə yarandığını, daxil olan xəbərdarlıq məlumatı vasitəsi ilə əqrəbi Avetisyanın valideynlərinə yönləndirməyə çalışırlar.

Qeyd edək ki, Avetisyanın ölümü ilə bağlı cinayət işi artıq məhkəmədədir. Digər öldürülən erməni əsgəri Suren Aramyanın işi isə ayrıca araşdırılır. David Dumikyan ilk öncə hər iki əsgərin ölümündə təqsirli bilinsə də, lakin sonradan istintaq orqanı Suren Aramyanın ölümündə ona qarşı ittihamı ləğv edib.

Alpər Mövludoğlu
Ordu.az


Teqlər: Erməni-ordusu   Cinayət   Aprel