Sarkisyan: "Qarabağ münaqişəsində böyük təzyiqlərin olacağı gözlənilir"

2018/11/34534-1543214263.jpg
Oxunub: 980     10:35     26 Noyabr 2018    
"Artıq ilk aylardan bu təzyiqlərin çox böyük olacağı barədə əlamətlər görünür... Mən düşünürəm ki, Qarabağdan yan keçmək mümkün deyil".

Ordu.az xəbər verir ki, bu sözləri Ermənistanda sabiq iqtdar partiyası olan Respublikaçılar partiyasının sədr müavini, sabiq Müdafiə naziri Vigen Sarkisyan "Karmenlə son oyun" verilişində qonaq olarkən deyib.

Onun sözlərinə görə, münaqişə ilə bağlı Ermənistana böyük təzyiqlər ediləcək.

"Artıq ilk aylardan bu təzyiqlərin çox böyük olacağı barədə əlamətlər görünür... Mən düşünürəm ki, Qarabağdan yan keçmək mümkün deyil. Çünki Qarabağ bizim mübarizəmizdir, bizim olub-olmayacağımız məsələsidir. Qarabağ bizim təhlükəsizliyimizin onurğa sütunudur", - deyə o bildirib.

Erməni jurnalistin "Məxməri inqilab buna görə baş verib?" sualına Sarkisyan belə cavab verib: "Mən bu suala çox diqqətlə və ehtiyatla cavab vermək istəyirəm. Ancaq mən doğrudan da hesab edirəm ki, məxməri inqilabın baş verməsinə daha çox daxili yox, xarici səbəblər təsir göstərdi".

Həmçinin jurnalistin "Nikol Paşinyan Qarabağ məsələsinə hakim deyil, bir-birinə zidd bəyanatlar verir, danışıqlar aparmağa çətinlik çəkəcək" deyə səsləndirdiyi fikrə Sarkisyan "Siz dediniz", deyə qısa cavab verməklə kifayətlənib.

Alpər Mövludoğlu
Ordu.az


Teqlər: Ermənistan   İşğal   Təxribat