"Zorakılıq" sözünə uyğun 232 nəticə tapıldı!

Ermənistanda polis rəisinin istefası tələb olunur

2019/09/11560-1567580745.jpg
Oxunub: 602     15:12     05 Sentyabr 2019    
“Açıq-aşkar keçmiş diktator hakimiyyətindən qalma dəyərlər üslubunu dəyişmədiyinə və polis orqanlarında islahatlar həyata keçirməyə qadir olmadığına görə Ermənistan polis rəisinin istefasını tələb edirik”.

Ordu.az erməni KİV-lərinə istinadən xəbər verir ki, bunu bir sıra beynəlxalq və Ermənistanın yerli təşkilatları erməni vətəndaşlarına qarşı polisin zorakılıq etməsinə cavab olaraq verdiyi birgə bəyanatda qeyd edib.

2019-cu il avqust ayının 19-da Ermənistan vətəndaşları dinc aksiya keçirib. Onlar Amulsar qızıl mədəninin istismarına qarşı çıxışan, Paşinyanla onun iqamətgahında görüşməkdə olan Cermuk və ətraf ərazilərin sakinlərinə həmrəylik nümayiş etdirib.

Polis oqranları artıq qapısı bağlı olan iqamətgahın önündə bir neçə sədd quraraq, sakinlərin daxil olmasının qarşısını alıb. Etirazçılar səkinin əks tərəfində etiraz aksiyası keçriməyə məcbur olub. Xatırladaq ki, analoji üsul sabiq hakimiyyətə qarşı keçirilən etiraz aksiyaları zamanı da istifadə olunurdu.

“Bağramyan 26” ünvanındakı iqamətgahında müzakirələr başa çatdıqdan sonra etirazçılar Paşinyanla görüşün nəticələrindən məyus olaraq, parlamentin yaxınlığındakı bağda ictimai müzakirələr keçirməyə qərara alıblar. Lakin 2018-ci ildən bəri açıq olan bağın qapılarını etirazçıların gəldiyini görən polislər dərhal bağlayıb.

20 dəqiqə ərzində gözlədikdən sonra ictimai müzakirə aparmağa yer tapmayan etirazçılar məcburi şəkildə Bağramyan prospektinə çıxmalı olublar. Lakin onların bu toplaşması polisin sərt müqavimətinə rast gəlib və onlar heç bir əsas olmadan polisə aparılıb.

Polisin sərt müqaviməti nəticəsində xəsarət alanlar olub, onlardan biri xəstəxanada yerləşdirilib.

Şəffaflıq Beynəlxalq Antikorrupsiya Mərkəzi, Sərhədsiz hüquqların qorunması, Helsinki Vətəndaş Assambleyasının Vanadzor ofisi, “Asparez” Jurnalistlər Klubu məsələ ilə bağlı birgə bəyənat yayıb.

Bəyənatda qeyd olunur ki, baş tutan inqilaba məhz Sarkisyan hakimiyyətinin insanlara mənfi münasibəti, insan haqlarının tapdalanması, təbii resursların talan edilməsi və digər hallar səbəb olmuşdu.

Bəyənatı imzalayan təşkilatlar Ermənistan polisi tərəfindən dinc toplanış hüquqlarının tapdalanmasını sərt şəkildə tənqid edib və tələb ediblər ki, dinc toplanış iştirakçılarına qarşı zor tətbiq edən, vətəndaşları kobud şəkildə polisə aparan polislər məsuliyyətə cəlb edilsinlər.

“Keçmiş dəyərələrin və iş üslubunun davam etməsi istisnasız olaraq, həm də inqilab yolu ilə hakimiyyətə gələrək, yeni dəyərlər barədə bəyanat verən hakimiyyət, həmçinin legitim olan rəhbərlik tərəfindən vəzifə və rütbə alan şəxslər üçün qəbuledilməzdir.Belə bir iş üslubunun yeni Ermənistanda persepektivi yoxdur”, - deyə bəyənatda bildirilib.

Qeyd edilən hadisə üzrə məsuliyyət daşıyan polis rəisi Valeri Osipyanın hesabat verməsi tələb edilir.

“Açıq-aşkar keçmiş diktator hakimiyyətindən qalma dəyərləri, yanaşma tərzini, iş üslubunu dəyişmədiyinə, buna görə də o, ictimai qaydaları tətbiq etməyə və polis orqanlarında islahatlar həyata keçirməyə qadir olmadığına görə Ermənistan polis rəisinin istefasını tələb edirik”, - deyə bəyanatda qeyd olunub.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Osipyan   İstefa