" Xaçaturov " sözünə uyğun nəticə tapıldı!

"Xaçaturov" - (108 )

Ermənistan XİN KTMT Baş katibinin mandatı barədə: "Hər şey gələcəkdə aydın olacaq"

2018/10/03_HA-1540977230.jpg
Oxunub: 872     13:51     31 Oktyabr 2018    
"Biz bir neçə ay əvvəl dediyimiz kimi, Ermənistan tərəfdaş ölkələrə Yuri Xaçaturovun dəyişdirilməsi prosesini başlamaq üçün təklif verib. Hələlik yekun qərar olmadığına görə nəsə demək istəmirəm".

Ordu.az erməni KİV-lərinə istinadən xəbər verir ki, bunu bu gün Ermənistan Xarici İşlər nazirinin müavini Ruben Rubinyan KTMT Baş katibi Yuri Xaçaturovun vəzifəsindən geri çağırılmasına toxunarkən bildirib.

Xaçaturovun vəzifələrdən geri çağıılması fonunda Ermənistanın KTMT-dəki mövqelərinə gəldikdə isə Rubinyan, bu mövqenin hər zamankından daha güclü olduğunu söyləyib.

Baş katib mandatının Ermənistanda qalıb-qalmayacağına dair suala, Rubinyan cavab olaraq bildirib ki, hələlik qərar olmadığına görə hər hansı bir məlumat vermək istəmir.

"Hər şey yaxın gələcəkdə aydın olacaq", - deyə Rubinyan bildirib.

Xatırladaq ki, Ermənistanın xüsusi istintaq komitəsi "1 Mart" cinayət işi üzrə KTMT-nin Baş katibi Yuri Xaçaturova qarşı cinayət məcəlləsinin müvafiq maddəsinə uyğun olaraq ittiham irəli sürdü və Xaçaturov 5 milyon dram müqabilində azad edildi.

Məhkəmənin qərarından sonra Ermənistan Xaçaturovun KTMT-nin Baş katibi vəzifəsindən geri çağırılması prosesinin başlanılması haqqında bəyanat verdi. Hazırda Xaçaturov Moskvada KTMT-nin baş katibi vəzifəsinin icrasını yerinə yetirir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   KTMT