"Vanetsyan" sözünə uyğun 127 nəticə tapıldı!

Ermənilər xilası Vanetsyanda görür: “Bu gün ölkədə anlaşılmaz bir xaos hökm sürür”

2019/10/32b4e-1570173941.jpg
Oxunub: 931     11:25     04 Oktyabr 2019    
Ermənistan MTX-nin sabiq direktoru Artur Vanetsyanın siyasi arenaya girməsi ilə bağlı “Facebook” sosial şəbəkəsində açıq bir məktub yayılıb.

Ordu.az xəbər verir ki, məktub müəllifləri Artur Vanetsyanı Ermənistanın yeni hakimiyyət liderləri tərəfindən həyata keçirilən qəddarlıqlara qarşı çıxmağa çağırır.

Məktubda qeyd olunur ki, Vanetsyanın istefasında sonra erməni cəmiyyətinin əksər hissəsi onda qurtuluş görüb və yaranmış vəziyyətə qarşı mübarizə aparacağını ümid edir.

“...Xalq sizə ümid bəsləyir. Sizin istefanızdan sonra insanların əksər hissəsi sizdə qurtuluşu gördü, ümid edirik ki, yaranmış vəziyyətə qarşı mübarizədə səsiniz daha güclü olacaq. Bu gün Ermənistanda anlaşılmaz, qəbuledilməz bir fenomen - XAOS hökm sürür! Mən və mənim kimi bir çox insanların inqilab günlərində böyük töhfəsi olub, lakin biz böyük günah hissi keçiririk ki, bütün bunlar bizim seçimimizin nəticəsidir. Hər birimiz üçün aydın idi ki, xarabalıqlar qısa müddət ərzində bərpa olunmyacaq, MƏGƏR qəddar fenomenlərə imtiyaz verməmək olmazdımı?

Yanımızda olun, ölkəmiz, millətimiz, xalqımız üçün mübarizə aparaq. Biz “sorosçu”lara qarşıyıq, biz ölkəmizdə pozğunluğun yayılmasına qarşıyıq, biz Jirayr Sefilyanların diqtələrinə qarşıyıq və nəhayət biz xristian millətiyik, yüksək kürsüdən səslənən erməni Apostopol Kilsəsinin diz çökməsinə qarşıyıq. Hə, bir də Qarabağ torpaqlarını qəflətən rəqibə təhvil verməyə çalışmasınlar. Biz sizə güvənirik və inanırıq ki, birlikdə ədalətli və düzgün həll tapmaqla erməni millətinin məhvinin qarşısını alacağıq.

Əgər gəlməsəniz, sizi gəlib evinizdən aparacağıq”, - deyə məktubda qeyd edilir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Vanetsyan   MTX   Xaos