" Tarix " sözünə uyğun nəticə tapıldı!

"Tarix" - (377 )

Ağdamda şəhid Səməndər Quliyevin xatirəsi anılıb

2020/02/15807-1580712965.jpg
Oxunub: 1377     10:54     03 Fevral 2020    
Ağdam rayonunun Mahrızlı kəndindəki Rahib Məmmədov adına Döyüş Şöhrəti Muzeyində respublikamızın ərazi bütövlüyü uğrunda döyüşlərdə şəhid olmuş Səməndər Quliyevin xatirəsi anılıb.

Ordu.az xəbər verir ki, şəhidin ailə üzvlərinin, döyüş yoldaşlarının, mədəniyyət işçilərinin və məktəblilərin iştirak etdikləri tədbirdə əvvəlcə Azərbaycanın müstəqilliyi və ərazi bütövlüyü uğrunda canından keçən Vətən övladlarının xatirəsi bir dəqiqəlik sükutla yad edilib.


Mərasimdə Döyüş Şöhrəti Muzeyinin direktoru Sahib Məmmədov, Tarix-Diyarşünaslıq Muzeyinin direktoru Ülvi Qədirov, Zəngişalı kənd Mədəniyyət Evinin müdiri Fikrət Əliyev, şəhidin qardaşı Teymur Quliyev, sinif yoldaşları və müharibə veteranları çıxış edərək onun həyat və qəhrəmanlıqla dolu döyüş yolundan danışıblar. Məlumat verilib ki, Quliyev Səməndər Rəsul 1964-cü il fevralın 3-də Ağdam rayonunun Mahrızlı kəndində anadan olub. Orta məktəbi bitirdikdən sonra 1982-1984-cü illərdə keçmiş sovet ordusunda xidmət edib. Hərbi xidməti başa vurduqdan sonra doğma kəndinə qayıdaraq kolxozda traktorçu işləyib.


Ermənistanın Azərbaycana qarşı hərbi təcavüzü başlayanda Səməndər Quliyev də könüllü olaraq Vətənimizin müdafiəsinə qalxıb və Ağdam cəbhəsində gedən döyüşlərdə iştirak edib. Onun son döyüşü 1994-ci il fevralın 1-də Ağdam rayonunun Novruzlu kəndində olub. Həmin döyüşdə düşmən tankını qumbara ilə partladan Səməndər bir yaralı əsgərimizi də döyüş meydanından çıxararaq xilas edib, özü isə güllə yarası alaraq şəhidlik zirvəsinə ucalıb.


Mərasim iştirakçıları şəhid Səməndər Quliyev haqqında hazırlanmış videoslaydı izləyib, məktəblilər kompozisiya göstərib, şəhidlərə həsr edilən şeirlər söyləyiblər.


Ordu.az

© Materiallardan istifadə edərkən hiperlinklə istinad olunmalıdır


Teqlər: Ağdam   Səməndər-Quliyev   Şəhid