"Tüfəng" sözünə uyğun 267 nəticə tapıldı!

Ayzenkot Suriyada Əsədə qarşı olan qüvvələrə silah çatdırıldığını etiraf edib

2019/01/10709-1547543012.jpg
Oxunub: 500     17:22     15 Yanvar 2019    
İsrail ordusunun istefaya gedən Baş Qərargah rəisi Qadi Ayzenkot Suriyada Əsəd qarşı mübarizə aparan qüvvələrə özünümüdafiə məqsədli yüngül silahlar təchiz etdiyini etiraf edib.

Ordu.az xəbər verir ki, o, bu barədə “Sunday Times”a verdiyi “əlvida” müsahibəsində danışıb.

İsrail Müdafiə Qüvvələrinin Baş Qərargahı rəisi vəzifəsini bu həftə tərk edəcək Ayzenkot bununla da İsrailin Suriya münaqişəsinə birbaşa qarışdığını ilk dəfə etiraf etmiş yüksək səlahiyyətli rəsmi olub.

Qeyd edək ki, çoxsaylı media qurumları və rəsmi Dəməşq uzun müddətdir ki, İsrailin müxalif qruplara silah təchiz etdiyini iddia etsə də, İsrail hökuməti bununla bağlı heç vaxt açıqlama verməyib və sadəcə humanitar yardımın çatdırıldığını elan edib.

Ötən ilin sentyabrında “Foreign Policy” jurnalı İsrailin gizli şəkildə azı 12 suriyalı qrupa silah və maliyyə yardımı çatdırdığını və bunun əsas məqsədinin İran dəstəkli qruplarla İŞİD-i öz sərhədindən kənar saxlamaq olduğuna dair məqalə yayımlayıb.

Bildirilirdi ki, mənbələr İsrailin yardım proqramında pulemyotlar, minaatanlar, nəqliyyat vasitələri, hücum tüfəngləri, döyüşçülərə 75 dollar maaş və əlavə olaraq Suriyadakı qara bazardan silahların alınması üçün maliyyə dəstəyinin əhatə olunduğunu iddia edirlər.

Ağalar Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: İsrail   Suriya   Silah