"Sanksiya" sözünə uyğun 639 nəticə tapıldı!

“Türkiyənin bu hərəkatı tezliklə Qarabağda da davam edəcək” – İrəvanda gərginlik artır

2019/07/13961-1564550308.jpg
Oxunub: 2051     15:10     17 Oktyabr 2019    
Türkiyə qoşunları Suriyada əməliyyat həyata keçirdiyi bir vaxtda, Türk ölkələri liderləri Bakıya toplaşıblar. ABŞ-ın Türkiyə rəsmilərinə qarşı sanksiyalar tətbiq etdiyi, Çin, Aİ və digər ölkələr müdaxilənin dayandırılmasını tələb etdiyi və hərbi əməliyyatların qızğın dövründə Ərdoğan Bakıya səfər edib.

Yalnız dörd dövlət - Azərbaycan, Macarıstan, Qətər və Pakistan Türkiyəyə dəstək verib. Türkiyənin Xarici İşlər naziri Çavuşoğlu yenidən Qarabağın işğalını yada salıb.

“Prezident İlahm Əliyev Zəngəzurun Ermənistana verilməsi “türk dünyasını bölüb” deyə bəyanatla çıxış edib. Ərdoğan isə Azərbaycanın ərazi bütövlüyünün bərpasına kömək edəcəyini vəd edib. Bakı bu açıqlamadan ilham alıb və orada hərbi əhval-ruhiyyələr artır, deyirlər ki, Türkiyənin bu hərəkatı tezliklə Qarabağda da davam edəcək”, - deyə erməni siyasi şərhçi Naira Hayrumyan bildirib.

O qeyd edib ki, son on ildə ən azı iki dəfə belə əhval-ruhiyyə Azərbaycanda olub.

“2008-ci ilin avqustunda, Gürcüstan Abxaziyanı geri qaytarmağa çalışarkən, Azərbaycan ərazi bütövlüyünün bərpasını gözləyirdi. Azərbaycan qoşunlarının Qarabağın sərhəddinə yaxın ərazilərə cəmləşdirildiyi və Gürcüstanın Rusiya qoşunları üçün Ermənistana gedən yolu bağladığı təqdirdə ordunun girməyə hazır olduğu barədə şayiələr yayılırdı. Eyni ümidlər 2014-cü ildə Rusiya Krımı ilhaq edərkən də mövcud idi, Bakı, Ukraynanın Moskva ilə müharibəyə girməsini gözləyirdi.

Sergey Lavrov deyir ki, indi heç bir qayda yoxdur, amma bir az dəyişir, çünki həmişə oyunda qaydalar var. Bunları Donald Trump, gerçəklilərin tanınması adı ilə ifadə edib. İndi də Bakı Türkiyənin Suriya əməliyyatına ümid bəsləyir. Bakı Türkiyədən nə gözləyir? Əslində, Ankaranın bu hərəkatı Suriyanın ərazi bütövlüyünü qorumaq məqsədi daşıyır ki, Yaxın Şərqdəki kürd dövləti yaranmasın və əsrlər boyu mövcud olan sərhədlər pozulmasın”, - deyə Nayramyan qeyd edib.

Politoloq Levon Şirinyan isə deyib ki, Ermənistan regional münaqişələr kontekstində fəal olmalıdır və Kür çayına doğru irəliləmək barədə düşünməlidir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: İrəvan   İşğal   Qarabağ   Azərbaycan