"QQ" sözünə uyğun 5672 nəticə tapıldı!

Ermənistanda silahlı mübarizə tərəfdarı olan şəxslər nə üçün sərbəst buraxılır?

2019/09/Untit-1568717828.jpg
Oxunub: 253     15:56     18 Sentyabr 2019    
“Paşinyan əvvəlcədən öz şəxsi maraqlarını, siyasi komandasının maraqlarını dövlət maraqlarından üstün tutmağa qərar verib”.

Ordu.az erməni KİV-lərinə istinadən xəbər verir ki, bunu erməni politoloq Qaqik Hambaryan bildirib.

“Nork” silahlı qruplaşmasının rəhbəri hesab edilən Artur Vardanyan 1 milyon erməni dramı girov qarşılığında sərbəst buraxılıb. Ermənistan Milli Təhlükəsizlik Xidmətinin məlumatına görə, bu cinayət işi üzrə əsas ittiham olunan şəxs Artur Vardanyanın başçılığı ilə 20 nəfərlik silahlı qruplaşma zorakılıqla hakimiyyəti ələ keçirməyi planlaşdırıb.

Ermənistan MTX-nin məlumatına görə, Vardanyan rəhbərlik etdiyi silahlı qruplaşma ilə birlikdə uçuş anında Ermənistan prezidentinin təyyarəsini vurmaq, habelə prezident iqamətgahı, parlament, Konstitusiya Məhkəməsi, Hökumət və İctimai televiziyanın binalarına hücum həyata keçirmək istəyib.

Bundan əvvəl “Sasna Tsrer” üzvlərinin buraxılması erməni mətbuatında tənqid edilirdi. Lakin Artur Vanetsyanın azadlığa çıxması daha güclü təndiq edildi.

“Eyni şey əvvəlcə “Sasna Tsrer”in sərbəst buraxılması ilə baş tutdu. Mən burada onların günahkar olmasını şübhə altına almıram və ya hakimiyyətin qərəzsizliyinə inanmıram, “Sasna Tsrer” özü onların nümayəndələrini adam öldürməkdə günahlandırırdı. Məhkəmə proseslərində Pavlik Manukyan və digərlərinin kimin kimə atəş açması barədə qeyd etmələrini xatırlayırsız? Ondan sonra onların əksər hissəsi azadlığa buraxıldı. Problem ondadır ki, məhkəmələrdə baş verən proseslər açıq şəkildə siyasi alt mətnlərə sahibdir. Hakimiyyət bu insanların günahkar olub-olmaması barədə maraqlanmır, hamısını sərbəst buraxır”,- deyə Hambaryan bildirib.

Onun sözlərinə görə, bütün bunların hansı məqsədlərinin olduğu yaxın gələcəkdə aydın olacaq.

“Bu kimi qruplaşmaların mövcud olduğu müddətdə, Paşinyan hər hansı gözləntilərə malik olmaqla onlardan gələcək siyasi proseslər üçün yaxşılıq etməyə çalışır”, - deyə politoloq qeyd edib.

Hambaryan bildirib ki, bu, olduqca təhlükəli presedentdir: “Paşinyan və onun komandası əsl ədalət haqqında deyil, şəxsi maraqları haqqında düşünür və bu, fəlakətli olacaq. Əgər onlar sərbəst buraxılmalıdırsa, o zaman bu, qanunla olmalıdır. Onlar nəyin əsasında sərbəst buraxılır? “Sasna Tsrer”in üzvləri öz həmkarlarını adam ölürməkdə günahlandırıb. Əlbəttə, bu, çox böyük təhlükəni özündə ehtiva edir. Ermənistanda çoxlu sayda daxili və xarici problemlər var. Bizə yalnız siyasi arenada hərbi-siyasi qruplaşmaların ortaya çıxması çatmırdı. Mən şəxsən qəti şəkildə bunun əleyhinəyəm”.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Paşinyan   Silahlı-qruplar