"Pens" sözünə uyğun 121 nəticə tapıldı!

ABŞ F/A-18-lərin bərpasında proqres əldə edilib

2018/08/39269455_1096828580475420_3857430799938748416_n_1534510969.jpg
Oxunub: 371     21:07     17 Avqust 2018    
ABŞ donanması F/A-18 “Super Hornet” qırıcı təyyarələrindən ibarət filotiliyanın döyüşə hazırlığını gücləndirmək məqsədilə apardığı bərpa işlərində proqres əldə edib.

Ordu.az “Defense News”a istinadən xəbər verir ki, bu barədə ABŞ donanmasının rəhbəri Riçard Spenser bildirib.

Onun sözlərinə görə, ötən il filotiliyanın sadəcə üçdə-biri döyüşə hazır vəziyyətdə idisə, bu il artıq donanmanın 546 “Super Hornet”inin yarısı missiya qabiliyyətinə malikdir.

Bərpa işləri Mettisin Pentaqon rəhbərliyinə gəlməsindən sonra başlayıb və bu il ərzində daha ciddi nəticələr əldə edilib. Spenser qeyd edib ki, 2018-ci ilin əvvəllində təyyarələrin 241-i döyüşə hazır idi, lakin bu rəqəm hazırda 270-dir.

O bildirib ki, son iki ildə bu proqrama yüksək miqdarda büdcə ayrılsa da, belə uğurların əldə edilməsinin başqa bir səbəbi bərpa prosesinin həyata keçirilməsi üçün zamana qənaət etməyə imkan verən metodların işlənib hazırlanmasıdır.

Xatırladaq ki, bu ilin may ayında ABŞ Müdafiə Daşınmaları Agentliyi “Super Hornet”lərin hissələri və digər avadanlıqları ilə bağlı beş il müddətinə 427 milyon dollarlıq yeni müqavilə imzalayıb.

Ağalar Ağalarlı
Ordu.az


Teqlər: ABŞ   F/A-18   Super-Hornet