" Paşinyan " sözünə uyğun nəticə tapıldı!

"Paşinyan" - (1710 )

Ermənistan Hərbi Polis rəisi vəzifəsinə yeni ad məlum olub - O, kimdir?

2020/03/15102-1584514451.jpg
Oxunub: 779     11:12     18 Mart 2020    
Hazırda Ermənistanın Hərbi Polis rəisi vəzifəsini müvəqqəti icra edən şəxs Hərbi Polis rəisinin əməliyyat üzrə müavini Aleksandr Ağacanyandır, lakin Müdafiə Nazirliyində Hərbi Polis rəisinin təyin olunması məsələsi üzrə daha bir namizədin adı müzakirə olunur.

Məlum olduğu kimi, Ermənistan ordusunda müəyyən bir müddət ərzində yaranmış nəzarətsiz vəziyyət səbəbilə keçmiş Hərbi Polis rəisi Artur Bağdasaryan vəzifəsindən azad olunub və hal-hazırda bu struktur yalnız müvəqqəti əvəzediciyə sahibdir.

Ağacanyan isə işlər görür və Ermənistanın Hərbi Polis rəisi vəzifəsində qalmaq üçün hər şey etməyə çalışır. Məlumata görə, Ermənistan Müdafiə Nazirliyində Hərbi Polis rəisi vəzifəsi üçün Xilasetmə Xidmətinin keçmiş direktoru Artak Nahapetyanın da adı müzakirə olunur.

Lakin qeyd edək ki, 2019-cu ildə Ermənistan Baş naziri Nikol Paşinyan Artak Nahapetyanı Xilasetmə Xidmətinin direktoru vəzifəsindən azad edib. Məlumata görə, Nahapetyanın vəzifədən azad olunma səbəbi işçilərinin şikayəti olub.

Artak Nahapetyanın Hərbi Polis rəisi təyin olunacağı istisna edilmir, çünki Ermənistan Müdafiə naziri Davit Tonoyanın yaxınıdır.

Ermənistan Xilasetmə Xidmətinin keçmiş direktoru məsələ ilə bağlı jurnalistlərə açıqlama verib.

“Mənim bu cür söhbətlərim olmayıb. Hazırda dincəlirəm, heç bir şeylə məşğul olmuram. Əgər əmr verilsə, 25 il xidmət etmişəm, yenidən xidmət etməyə davam edəcəm”, - deyə o bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Hərbi-Polis