"Modernləşmə" sözünə uyğun 81 nəticə tapıldı!

Pentaqon həm riskləri azaldıb, həm də innovativ ola bilərmi?

2018/11/73QDR-1543574605.jpg
Oxunub: 801     16:42     30 Noyabr 2018    
İnnovasiya və qüvvələrin modernləşdirilməsi bu günlərdə Pentaqonun ən çox istifadə etdiyi sözlərdir. Bəs Pentaqon qoşunları və avadanlıqları sürətlə modernləşməyə çalışarkən innovativ ola bilərmi? Və yaxud innovativliyin əhəmiyyətli dərəcədə risk tələb etdiyi bir dövrdə həm riskləri azaldıb, həm innovasiya etmək mümkündürmü?

Əsrlərdir ki, ilk dəfə ABŞ ordusu beynəlxalq arenada dominant sayılmır. Texnologiyanın inkişafı və rəqiblərin ortaya çıxması ABŞ-ı daim təkmilləşdirmə işləri aparmağa məcbur edir.

Tədqiqatçı mühəndis Maykl Qriffin qeyd edir ki, bu məsələnin həlli sürətli prototipləmə və kommersial əməkdaşlıqlar edilməsi sayəsində mümkün ola bilər. Qriffin 2019-cu il büdcəsində 90 milyard dollar araşdırma, təkmilləşdirmə və sınaqdan keçirmə işləri üçün büdcə tələb edildiyini qeyd edərək, bu büdcənin böyük hissəsinin prototiplər yaradılması və sınaqdan keçirilməsinə sərf olunacağını deyib.

ABŞ-da daha əvvəl həyata keçirilmiş “Böyük Beşli” (M1 “Abrams”, M2 “Bradley”, “Patriot”, “Black Hawk” və “Apache”) və “Gələcəyin Döyüş Sistemləri” proqramları da bənzər yanaşma əsasında uğurla həyata keçirilmişdi. Proqramlar nəticəsində silahların hər biri bacarıqlarını 5-10 dəfəyə qədər artırmışdı. Bəs bu proqramların uğurunun səbəbi nə idi?
Birincisi, onların hər birində sənayə, elm və texnologiya əməkdaşlığı nəzərə alınmışdı. İkincisi, sənaye və hərbçilər arasında yaxın əməkdaşlıq var idi ki, bu, onların bir-birindən öyrənməsinə şərait yaradırdı. Sonuncusu isə proqramların hər ikisi yetkin texnoloji baza ilə fəaliyyətə başlamışdı. Yeni texnologiyalar əvəzinə, sınanıb uğuru təsdiqlənmiş texnologiyalardan istifadə edilirdi.

Pentaqonun yeni proqramında isə əvvəlki proqramlardan fərqli olaraq texnoloji yeniliklər müasir platformalara inteqrasiya etdirilməyə çalışılacaq. Beləliklə, həm riski azaldıb, həm də innovativ olmaq mümkün olacaq.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: Pentaqon   İnnovasiya