" Kibertəhlükəsizlik " sözünə uyğun nəticə tapıldı!

"Kibertəhlükəsizlik" - (161 )

Ermənistan Xarici İşlər Nazirliyi Vaşinqtondakı görüşlərin məzmununu gizlədir

2019/06/97909-3122383038.jpg
Oxunub: 1518     14:27     22 İyun 2019    
Ermənistan Xarici İşlər naziri Zöhrab Mnatsakanyan iyunun 19-da ABŞ-ın dövlət katibinin siyasi məsələlər üzrə müavini Devid Heyli ilə görüşüb.

Məlumata görə, tərəflər Ermənistan-ABŞ münasibətlərinə toxunub və siyasi dialoqun möhkəmləndirilməsindən söhbət açıb.

Ermənistan Xİ N-dən bildirilir ki, nazir və ABŞ dövlət katibinin müavini bir sıra beynəlxalq və bölgə üzrə məsələləri müzakirə ediblər. Mnatsakanyan Dağlıq Qarabağ münaqişəsinin sülh prosesindəki mövcud vəziyyət, Ermənistanın mövqeyi və yanaşması, həmçinin Ermənistanın prioritetləri barədə məlumat verib.

Ermənistan Xarici İşlər Nazirliyinin bəyanatından fərqli olaraq ABŞ Dövlət Departamentinin yaydığı məlumat daha qısa olub. ABŞ tərəfinin yaydığı mətndə bildirilir ki, tərəflər bölgədəki çağırışlar və imkanları, gələcəkdə baş verəcək zorakılığın qarşısının alınması, ATƏT-in Minsk qrupu çərçivəsində Dağlıq Qarabağ münaqişəsinin sülh yolu ilə nizamlanması istiqamətində müzakirələr aparıb.

“Dövlət katibinin müavini bir sıra məsələlərdə ABŞ administarsiyasının prioritetlərini, o cümlədən kibertəhlükəsizlik, ticarət, sərmayə təcrübəsi və sanksiyalar siyasətini təqdim edib”, - deyə bəyanatda bildirilir.

Dövlət Departamentinin məlumatına əsasən, həmçinin ABŞ və Ermənistan arasında bir sıra sahələr, o cümlədən qanunun aliliyi xüsusilə məhkəmələrin müstəqilliyi müzakirə edilib.

Maraqlıdır ki, Ermənistan Xarici İşlər Nazirliyinin yaydığı məlumatda tərəflərin bölgənin hazırkı məsələlərini müzakirə etdiklərinə dair məlumat verilsə də, ABŞ tərəfinin yaydığı məlumatda sanksiyalar siyasəti haqqında söhbət açılıb. Lakin Ermənistan tərəfinin yaydığı daha geniş məlumatda isə bu barədə heç bir söz yoxdur.

Ermənistan-İran, Ermənistan-ABŞ münasibətlərini nəzərə alaraq, məsələnin ciddi olmasına baxmayaraq, Ermənistan tərəfinin yaydığı məlumatda buna yer verilməməsi maraqlıdır. Həmçinin diqqətçəkən məqam odur ki, Mnatsakanyan-Bolton görüşündən sonra yayılan bəyanat mətnində sanksiyalar siyasəti barədə heç bir söz yoxdur.

Məlum olduğu kimi iyunun 20-də Mnatsakanyan Vaşinqtonda ABŞ prezidentinin təhlükəsizlik məsələləri üzrə müşaviri Con Boltonla görüşüb. Ermənistan tərəfinin məlumatına əsasən, ABŞ prezidentinin müşaviri və Ermənistan Xarici işlər naziri bölgənin sülh və təhlükəsizliyi gündəminə aid məsələlərə toxunub.

Bu görüşdə maraqlı olan odur ki, Azərbaycan və Ermənistanla qarşılıqlı əməkdaşlığı daha çox ABŞ-ın İran əleyhinə siyasəti kontekstindən nəzərdən keçirən İran siyasətinin memarı Bolton ABŞ-ın sanksiyalarına və ya İran əleyhinə siyasətə toxunmayıb.

Yeri gəlmişkən, ABŞ tərəfi Mnatsakanyan-Bolton görüşünə dair rəsmi bəyanat yaymayıb.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   ABŞ   XİN