"Kiber-məkan" sözünə uyğun 72 nəticə tapıldı!

ABŞ-ın hərbi büdcəsi həqiqətən kifayət qədər deyilmi?

2019/01/45r75-1547618116.jpg
Oxunub: 863     18:12     16 Yanvar 2019    
“Düşmənlərimiz quru məkanından tutmuş kiber məkana qədər hər sahədə bizimlə vuruşur və özlərini inkişaf etdirir. Bu mübarizəni ABŞ qazanmır”.

Ordu.az xarici KİV-lərə istinadən xəbər verir ki, bu barədə amerikalı hərbi ekspertlər Con Kayl və Rocer Zakheym danışıb.

Onların fikrincə, Soyuq Müharibədən sonra ABŞ dünyada təhlükəsizlik və stabilliyi təmin edən qlobal güc kimi fəaliyyət göstərib, xüsusilə də 3 regionda: Avropa, Asiya və Yaxın Şərq. Lakin hazırda sözügedən bölgələr mübarizə və rəqabət məkanına çevrilib.

“Mübarizə Ukraynadan Cənubi Çin dənizinə qədər hər yerdə baş verir və biz qazanmırıq”, - deyə ekspertlər bildirib.

Kaylın sözlərinə görə, ABŞ bir münaqişənin qarşısını ala bilirsə, digərini ala bilmir. Belə olduqda isə super güc terminini istifadə etmək olmaz. Qeyd edilib ki, Rusiya və Çin 21-ci əsr müharibə konsepsiyasına uyğun olaraq yeni texnologiya və bacarıqlar inkişaf etdiriblər və bu zaman ABŞ-ın zəif nöqtələrindən faydalanmağı da unutmayıblar.

“Döyüş hazırlığı, nüvə və ənənəvi qüvvələrin modernləşdirməsi və hərbi texnologiya sahələrinə ayrılan hərbi büdcə kifayət qədər deyil. Bunu biz özümüz özümüzə etmişik, hərbi büdcəni kəsərək, düzgün maliyyə idarəetməsi təşkil etməyərək”, - deyə Zakheym qeyd edib.

Sevinc Əliyeva
Ordu.az

© Materiallardan istifadə edərkən hiperlinklə istinad olunmalıdır


Teqlər: ABŞ   Hərbi-büdcə