"IDEF" sözünə uyğun 62 nəticə tapıldı!

Türkiyə yeni TÜMOL lazer silahını təqdim edib

2019/05/Samed-1556787815.jpg
Oxunub: 1012     12:56     02 May 2019    
Türkiyənin Elmi və Texniki Tədqiqat Şurasının (TÜBİTAK) mütəxəssisləri yeni TÜMOL lazer sistemini hazırlayıblar.

Ordu.az xəbər verir ki, bu sistem Türkiyə Müdafiə Sənayesi İdarəsinin sifarişi ilə istehsal edilən milli MPT-76 tüfənglərində quraşdırıla biləcək.

Yeni lazer silah İstanbulda keçirilən 14-cü Beynəlxalq Müdafiə Sənayesi Sərgisi IDEF-2019 çərçivəsində ölkənin sənaye və texnologiya naziri Mustafa Varank tərəfindən prezident Rəcəb Tayyib Ərdoğana təqdim edilib və lazer silahlarının üstünlükləri barədə məlumat verilib.


Onun sözlərinə görə, yeni silah 250 metr məsafədə lazer şüası ilə düşmənə ziyan vurmağa qadirdir.

“Bu silah səssizdir. 5 ilə hazırlanan və ilk dəfə sərgidə təqdim edilən yeni sistem 20 kVt gücə malikdir. Bu, gəminin polad korpusunu əritmək üçün kifayətdir. Yalnız infraqırmızı kamera ilə aşkarlana bilər”, - deyə Varank məlumat verib.

O qeyd edib ki, silah hədəfini 150 metr məsafədə tam neytrallaşdırır, 250 metrədək məsafədə isə çox ciddi itkilərə səbəb olur. Münasib və əlverişli hava şəraitində silah 1 kilometr məsafədə də hədəfi məhv edə bilər.

Hərbi ekspert Ədalət Verdiyev
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   TÜMOL   Lazer-silahı