" Hərbi-diplomatiya " sözünə uyğun nəticə tapıldı!

"Hərbi-diplomatiya" - (17962 )

Daxili Qoşunların Təlim Mərkəzində məşğələlər uğurla davam etdirilir

2020/02/20200-1582120946.jpg
Oxunub: 757     17:59     19 Fevral 2020    
Azərbaycan Respublikası Daxili İşlər nazirinin müvafiq əmrinin tələblərinə uyğun olaraq, fevralın 17-dən etibarən Daxili Qoşunların Təlim Mərkəzində Daxili İşlər Nazirliyinin Arif Heydərov adına Sıravi və Kiçik Rəis Heyəti Hazırlayan Məktəbin dinləyiciləri ilə növbəti məşğələlərin keçirilməsinə başlanılıb.

Daxili Qoşunların mətbuat xidmətindən Ordu.az-a verilən məlumata görə, Daxili İşlər nazirinin müavini - Daxili Qoşunların komandanı tərəfindən təsdiq edilmiş müvafiq məşğələ cədvəlinə əsasən, Daxili Qoşunların Baş İdarəsinin və Bakı qarnizonunda yerləşən “N” saylı hərbi hissənin zabitləri tərəfindən dinləyicilərlə nəzəri və praktiki məşğələlər xüsusi-taktiki, atəş, hərbi mühəndis, rabitə və hərbi tibb hazırlığı mövzuları üzrə keçirilir.

Fevralın 23-dək davam edəcək məşğələlərdə əsas məqsəd dinləyicilərə daxili işlər orqanlarının istifadəsində olan xüsusi texnikanın, silahların, qurğuların və vasitələrin təyinatı, taktiki-texniki xüsusiyyətləri və istifadəetmə qaydaları barədə geniş bilgilər verməklə, onların peşəkarlıq səviyyələrinin artırılmasına nail olmaqdır.

Bundan əlavə, məşğələlər zamanı dinləyicilərə cinayət törətmiş və asayişin qrup halında pozulmasında fəal iştrak edən şəxslərin saxlanılması üsulları, silahlarla, döyüş sursatları və imitasiya vasitələri ilə davranma zamanı təhlükəsizlik qaydaları, atışın əsasları və qaydaları, xidməti-döyüş tapşırıqları yerinə yetirilərkən partlayıcı maddənin aşkar edilməsi zamanı daxili işlər orqanları əməkdaşının fəaliyyəti və ilkin tibbi yardımın göstərilməsi qaydaları barədə ətraflı məlumat verilir.

Dinləyicilər məşğələlər zamanı qarşıya qoyulmuş bütün tapşırıqları, o cümlədən, xüsusi taktiki hazırlıq üzrə müxtəlif şəraitlərdə (küçə yürüşlərində, binalarda, nəqliyyat vasitələrində və s.) fərdi qaydada silah və xüsusi vasitələrin tətbiq edilməsi üzrə praktiki fəaliyyəti yerinə yetiriblər.

Məlumat üçün qeyd edək ki, fevralın 10-dan 16-dək Daxili Qoşunların Təlim Mərkəzində Daxili İşlər Nazirliyinin A.Heydərov adına Sıravi və Kiçik Rəis Heyəti Hazırlayan Məktəbinin dinləyiciləri ilə təlimlərin birinci mərhələsi uğurla başa çatdrılıb.



Ordu.az

© Materiallardan istifadə edərkən hiperlinklə istinad olunmalıdır


Teqlər: DQ   Təlim