"Gəncə" sözünə uyğun 485 nəticə tapıldı!

Erməni hərbi qulluqçunu öldürməkdə təqsirləndirilən şəxs işgəncələrdən sonra “etiraflar edib” - DETALLAR

2019/12/45646-1577089320.jpg
Oxunub: 715     15:20     24 Dekabr 2019    
2016-cı ilin aprel ayının 5-dən 6-na keçən gecə Ermənistan Müdafiə Nazirliyinə tabe olan hərbi hissələrindən birində Qriqor Avetisyan və Suren Aramyan qətlə yetirilib.

Hadisə baş verərkən Avetisyan və Aramyan Ermənistanın şərq sərhədləri istiqamətində, ikinci müdafiə zolağında olublar. Valideynlərinin sözlərinə görə, MN ilk növbədə hadisəni diversiya kimi qələmə verməyə çalışıb. Prokuror da əldə edilən dəlillərin diversiya kimi qələmə verilməsinə əsas verdiyini bildirib.

Qətlə yetirilən Suern Aramyanın atası Artur Aramyan bildirib ki, naməlum qətl hadisəsini müstəntiqlər diversiya nəticəsi kimi qələmə vermədiklərinə görə, 3 ay mübarizə aparıb. Atası oğlunun meyitini tam palçıq içərisində gördüyünü vurğulayıb. Onun sözlərinə görə, hadisə yerində olan 16 əsgərdən heç biri əsl həqiqəti ifadələrində yazmayıblar.

İstintaq komitəsinin irəli sürdüyü versiyaya görə, qətlə yetirilən hər iki əsgəri, təhkim edildiyi silahla Davit Dumikyan adlı əsgər güllələyib. Bildirilir ki, Dumikyan həmin əsgərlər tərəfindən təhqir edildikdən sonra silaha əl atıb. Ancaq Dumikyanın qardaşı onun günahsız olduğunu iddia edir.

Bu dövr ərzində qətlə yetirilən erməni əsgərlərin valideynləri müstəqil araşdırma aparıb, hadisə yerində olub, əldə edilmiş materialları təhlil edib və müstəntiqlərin, prokurorluğun fəaliyyətinə etimadsızlıq göstəriblər.

Bildirilir ki, müstəntiqlər qətlə yetirilən əsgərlərin valideynlərini yanına çağırıb və absurd iddialar irəli sürüblər.

2017-ci ildə ibtidai istintaq orqanı hərbi qulluqçuların qətlə yetirilməsi üzrə vahid cinayət işini bir-birindən ayrı davam etdirilməsinə qərar verib. Daha sonra Qriqor Avetisyanla bağlı cinayət işi məhkəməyə göndərilib, Suren Aramyanla bağlı cinayət işinə isə xitam verilib.

Müstəntiqlərin verdiyi cavaba görə, aparılan bütün istintaq tədbirlərinə baxmayaraq, qatili müəyyən etmək mümkün olmadığı üçün Aramyanla bağlı cinayət işinə xitam verilib.

Qətlə yetirilən Suren Aramyanın atası, Artur Aramyan artıq 4 ildir ki, Ermənistanın hüquq mühafizə sistemində ədalət tapmaq uğrunda mübarizə aparır.

“Sülh dialoqu” QHT eksperti Ruben Martirosyan Aramyanın qətlə yetirilməsi cinayəti üzrə məhkəməyə müraciət edərək, cinayətin baş verdiyi ərazinin dəyişdirilməsi və əsas dəlillərin məhv edilməsi ilə müşayiət olunan cinayət hadisəsi barədə məlumat verdiyi qeyd edilir.

Məhkəmə ekspertə yalan ifadə verməkdə xəbərdarlıq edib.

Məhkəmə iclası başlayan kimi komandir Roman Hakobyanın nümayəndəsi Karen Kələntəryan məhkəmə iclasının işıqlandırılması zamanı müvəkkilinin lentə alınmamasına dair vəsatət qaldırıb.

Valideynlər iddia edir ki, komandir tərəfindən bir sıra qanunsuzluqlara yol verilib. Komandir Roman Hakobyan cinayət işi üzrə ifadə verməkdən imtina edib.

Müstəntiq Qevorkyanın sözlərinə görə, 6 aprel 2016-cı il tarixdə Vardenis hərbi polis şöbəsinə əsgər Dumikyan könüllü təslim olaraq, əsgərlər Avetisyanı və Aramyanı öldürdüyünü etiraf edib. Prokuror da bütün ittiham işini bu versiya ətrafında formalaşdırıb.

Bildirilir ki, guya Dumikyan çadıra daxil olaraq Aramyanı orada qətlə yetirib, Avetisyanı isə çadırdan kənarda qətlə yetirib. İstintaqa görə, onların qətlə yetirilməsinə səbəb daha öncə hər iki hərbi qulluqçunun Dumikyanı təhqir etməsi və alçaltması olub.

Dumikyana qarşı çox sayda insanın həyatına təhlükə törətməsi maddəsi üzrə cinayət işi açılıb.

Hadisə zamanı həmin hərbi hissənin digər iki hərbi qulluqçusu Hakob Qevorkyan və Arek Bağdasaryan isə alt çənə nahiyyəsindən odlu silah xəsarətləri alıblar.

Ekspert Ruben Martirosyan xidməti materiallardan Hakob Qevorkyan haqqında əldə etdiyi məlumata əsasən bir ay əvvəl Qevorkyan, öz komandirini və xidmət yoldaşını döymüş və həmin gecə döyüş dayaq məntəqəsində olduğunu aşkarlayıb.

Dumikyanın vəkili də hadisə yerinin dəyişdirildiyini və dəlillərin məhv edildiyini iddia edib. Zərərçəkən tərəf Dumikyanın hadisəni törətmədiyini güman edir. Komandir Roman Hakobyanın vəkili və prokuror cinayət işi üzrə sənədlərin siyahısının zərərçəkən tərəfə təqdim edilməsinin əleyhinə çıxıblar.

Qeyd etmək lazımdır ki, cinayət işi üzrə 2.5 il ərzində 4 hakim dəyişib. Son məhkəmə iclasında tələsik Dumikyana qarşı 12 il həbs cəzası tələbi ilə prokuror ittihamını səsləndirib.

Bu cinayət üzrə 2 hərbi qulluqçu artıq ölüb, 2 nəfər də yaralanıb, törətmədiyi cinayətə görə də daha bir nəfər, yəni Dumikyanda 12 il həbs cəzası alacaq. Əsl cinayətkarlar isə heç cinayət materiallarına daxil də edilməyiblər. Komandir və digər təqsirləndirilən şəxs isə şikayət olmadığı təqdirdə iclas salonundan amnistiya tətbiq edilməklə azadlığa buraxılacaqlar.

Digər qətlə yetirilən Qriqor Avetisyanın ailəsi isə baş verənləri nəql etmək iqtidarında deyil və müsahibələrdən yayınır.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan-ordusu   Qətl   Cinayət