" Etiraz " sözünə uyğun nəticə tapıldı!

"Etiraz" - (716 )

Ukraynalı politoloq: “Zelenski Bakıya səfəri zamanı Ukraynanın mövqeyinin dəyişmədiyini təkrarladı”

2019/12/00-85-1576837661.jpg
Oxunub: 891     17:16     20 Dekabr 2019    
Ukrayna və Azərbaycan prezidentləri arasında Bakıda keçirilən mətbuat konfransında danışan Ukrayna Prezidenti Vladimir Zelenski Ukrayna ilə Azərbaycanın “suverenliyin və ərazi bütövlüyünün bərpası məsələlərində” bir-birini dəstəklədiyini bildirib.

“Bugünkü söhbətin əsas mövzusu milli və regional təhlükəsizliyi təmin etmək idi. İlk növbədə söhbət Ukraynanın şərqindəki müharibədən və Dağlıq Qarabağ münaqişəsindən gedir. Beynəlxalq səviyyədə tanınan sərhədlər çərçivəsində dövlətlərimizin suverenliyi və ərazi bütövlüyünün bərpasında hər zaman bir-birimizi dəstəkləyirik”, - deyə Zelenski qeyd edib.

Onun sözlərinə görə, dövlətlər bu istiqamətdə həm ikitərəfli formatda, həm də beynəlxalq platformalarda işlərini davam etdirir.

Erməni mətbuatına söhbətində ukraynalı analitik Vitali Portnikov qeyd edilən ifadələrə toxunaraq, Ukrayna prezidenti Zelenskinin yeni bir şey söyləmədiyini bildirib.

“Ukraynanın bu məsələyə ənənəvi yanaşmasında heç bir dəyişiklik yoxdur. Ukrayna 1990-cı illərdən bəri ölkəsinin konstitusiya ilə müəyyən edilmiş sərhədləri daxilində Azərbaycan Respublikasının ərazi bütövlüyünü tanıdığını bəyan edib. Vladimir Zelenski Bakıya səfəri zamanı Ukraynanın mövqeyinin dəyişmədiyini təkrarladı”, - deyə Portnikov qeyd edib.

Eyni zamanda, Portnikov vurğulayıb ki, qondarma qurum Ermənistan ərazisinə daxil deyil və Ermənistanın özü tərəfindən müstəqil dövlət kimi tanınmır.

“Nəticə etibarilə İrəvanda bu cür ifadələrin Ermənistan-Ukrayna münasibətlərinə təsir göstərə biləcəyini söylədikdə bir qədər ziddiyyətli təəssürat yaranır. Cənab Zelenskinin bu açıqlamasında Ermənistanın özünə qarşı hər hansı bir etiraz yoxdur, Kiyevlə İrəvan arasındakı münasibətlərə təsir edəcək bir davranış tərzi yoxdur”, - deyə o bildirib.

Portnikov Ermənistanın, onun hakimiyyət üzvlərinin Ukraynanın ərazi bütövlüyü ilə bağlı mövqeyini, həmçinin Ermənistanın BMT-də, beynəlxalq platformalarda, Rusiyanın mövqeyini müdafiə edən dövlətlərin sırasında olduğu görünən səsvermələrini xatırladır.

“Ukraynanın ərazi bütövlüyü, Krımla bağlı qətnamələrə gəlincə, Ermənistan müvafiq qaydada səs verir, bu, həqiqətən də Ermənistan-Ukrayna münasibətlərinə təsir edə bilər. Ukrayna Ermənistanın ərazi bütövlüyünü tanıdığı kimi, Ermənistan da Ukraynanın ərazi bütövlüyünü tanımaq üçün eyni qaydada davranmalı idi. Azərbaycanın ərazi bütövlüyünü tanımaq heç bir şəkildə Ermənistanın ərazi bütövlüyünü tanımamaq demək deyil. Ukrayna həm Azərbaycanın, həm də Ermənistanın ərazi bütövlüyünü tanıyır. Sadəcə bu açıq həqiqətləri aydın şəkildə vurğulamaq istəyirəm”, - deyə ukraynalı analitik bildirib.

Qarabağ münaqişəsinin həllinə gəlincə, analitikin sözlərinə görə, onun həlli Ukraynanın mövqeyindən heç cür asılı deyil.

“Bu, beynəlxalq səylərin nə dərəcədə fəal olacağından, İrəvan və Bakının münaqişənin həlli üçün səylərindən, sülh və qarşılıqlı etimada imkan verəcək bir həll yolunun tapılmasından asılıdır”, - deyə Portinkov qeyd edib.

İki ölkədə baş verən siyasi dəyişikliklərdən sonra həm Ermənistan-Ukrayna münasibətlərinə gəlincə, ekspert qeyd edib ki, münasibətlər xeyli dərəcədə müvafiq ölkələrdəki vəziyyətdən və xüsusən də hər bir ölkənin xarici siyasət istiqamətindən asılıdır.

“Düzünü desəm, dövlətlər arasındakı münasibətlərin yaşdan asılı olduğunu düşünmürəm. Ukrayna Rusiya ilə hərbi münaqişədə olan bir dövlətdir. Ərazimizin bir hissəsi Rusiya Federasiyası tərəfindən işğal olunub, digər bir hissəsi isə Rusiya tərəfindən ilhaqa məruz qalıb. İşğalçıların olduğu Krım Muxtar Respublikasını, Donetsk və Luqansk vilayətlərini nəzərdə tuturam. Bunlar Ukraynada qanunla təsdiqlənmiş faktlardır. Ermənistan isə xatırladım ki, təcavüzkar dövlətin ən yaxın müttəfiqlərindən biridir. Həm də bu əlaqələrin inkişaf etdiyi xarici mühiti nəzərə alıram. Mən başa düşürəm ki, həm Kiyev, həm də İrəvan üçün manevr etməyə çox da böyük imkanlar yoxdur”, - deyə o bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ukrayna   Qarabağ   Azərbaycan