"Disput" sözünə uyğun 9 nəticə tapıldı!

“Strava” gizli hərbi məlumatları üzə çıxarıb - FAKTLAR

2018/01/234234234_1517205404.png
Oxunub: 2329     13:52     29 Yanvar 2018    
Hərbçilər arasında populyar məşq proqramındakı yeni özəllik böyük təhlükəsizlik xətası nəticəsində dünyadakı hərbi bazaları və patrul yolları üzə çıxarıb.

Ordu.az xarici KİV-lərə istinadən xəbər verir ki, ABŞ mərkəzli idman proqramı olan “Strava” ötən il Qlobal İsinmə xəritəsinin yeni versiyasını bazara çıxardacağını elan etdi. Şirkət yeni versiyanın 2015-ci ildə yaradılan ilkin versiyasından daha qarışıq olduğunu bildirib.

Həmin tarixdə xəritənin 1 milyarddan artıq informasiyanı özündə birləşdirdiyi ehtimal edilirdi.

İnteraktiv xəritə dünyanın ən populyar qaçış və velosiped yollarını göstərəcək formada dizayn edilsə də, təhlilçilər tərəfindən hərbi bazaları, əsgərlərin məşq rejimlərini və mümkün gizli fəaliyyətləri izləmək üçün istifadə edilir.

Hərbi ekspertlər istifadəsi asan olan proqramın əsgərlərin əməliyyat məxfiliyini riskə atdığı ilə bağlı xəbərdarlıq edib.

Artıq sosial media istifadəçiləri də Cənubi Çin Dənizi və Malidəki məxfi əməliyyatları üzə çıxararaq hərbi bazaların yerlərini Tvitterdə paylaşırlar.

Xəritədə Çinin Cənubi Çin dənizindəki mübahisəli Parasel adalarından birinə hərbi baza yerləşdirdiyi görünür.

“Strava” məsələ ilə bağlı şərh bildirməyib.

Ekspertlər isə məxfi bazalardakı istifadəçilərə cihazlarını söndürməklərini məsləhət görüblər.

Tvitlər:

1. Siz “Stravanın” yeni məlumat xidmətində bir dəqiqədən də az vaxt keçirin və cəlbedici yerlərlə tanış olun. Qəşəng patriot mövqeləri var xəritədə.




2. İdman və sosial media şirkəti “Strava” yeni xəritəsini çıxarıb. Hərbi bazaları müəyyən etmək üçün mükəmməldir.




3. “Strava” məşq proqramındakı məlumatlar göstərir ki, Çin Cənubi Çin dənizindəki mübahisəli Vudi adasına döyüş təyyarələri və HQ-9-lar yerləşdirir.




4. Mali: Bu, Xidal regionun Abeibara bölgəsindəki əməliyyat bazasıdır.




Ağalar Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: Strava   Hərbi-bazalar   Çin