"Dedovşina" sözünə uyğun 60 nəticə tapıldı!

Düşmənlə üz-üzə: “Bizim bircə “molodoy”umuz var ... O da ermənidir” - MÜSAHİBƏ (FOTOLAR)

2018/09/4_6143926440.jpg
Oxunub: 4029     21:37     03 Sentyabr 2018    
“Baxın düşmənin yanacaq daşıyan avtomobili görünür... Mən bunu qeydə aldım... Zəhmət olmasa səs yazanı söndürün məruzə edirəm. Niyə söndürüm, əsgər? Şifrəni deyəcəm tez olun... Əlaqəyə çıxmalıyam”.

Əziz oxucular yenə Qazax istiqamətində düşmənlə təmas xəttindəyik... Postda xidmət aparan əsgərlərlə həmsöhbətik... Biz soruşduq, onlar cavablandırdı. Beləliklə, Azərbaycan əsgərinin postda bir gününü sizin üçün nəql edirik. Post komandiri ilə səngərə düşürük...

- Salam, Əsgər... (Post Komandiri əsgəri salamlayır)

- Yoldaş baş leytenant, döyüş növbətçisi olduğum müddətdə heç bir hadisə baş verməmişdir... Əsgər Məmmədzadə.


- Azad! (Baş leytenant)

- Əsgər, qardaşımız Ordu.az saytından gəlib. Nə sual versə cavablandır. Ancaq hərbi sirri qorumaq şərti ilə...

- Oldu, yoldaş baş leytenant...

- Salam, Əsgər.

- Salam, xoş gəlmisiniz.

- Özünü təqdim elə, səni tanıyaq.

- Əsgər Məmmədzadə Şahin Aydın oğlu.

- Hansı rayon Hərbi Komissarlığından xidmətə çağırılmısınız?

- Xaçmaz rayon Hərbi Komissarlığı.

- Əsgər, xidmət necə gedir ?

- Yaxşı, şükür Allaha. Komandirlərimin verdiyi əmr və tapşırıqları vaxtında və nöqsansız yerinə yetirirəm. Bu vaxta qədər xidmətimdə nöqsanım olmayıb.


- Ermənistan ordusundan fərqli olaraq, Azərbaycan ordusunda “dedovşina” aradan qaldırılıb. Ümumən belə hallar indi də yaşanırmı?

- Ümumiyyətlə qohum əqrəbamdan da başqa yerdə xidmət edənlər var. Bu məsələ daha heç yerdə yoxdur. Bəzən biz burada isimliyə baxmasaq bir-birimizin soy adını da unuduruq.

- Niyə?

- Ona görə ki, bir-birimizə qardaş deyə müraciət edirik. Bir qabdan yemək yeyirik. Hər şeyimizi bir-birimizlə bölürük. Çünki biz burda həyatımızı əvvəl Allaha, sonra da bir-birimizə həvalə etmişik. Bir də görürsən komandir də bizim ad, soyadımızı unudur. Çünki həmişə bizə “Əsgər bala”, “qardaş” deyə müraciət edir. Burada səmimi hörmətlə hərbi nizamnamə eyni pillədə durur. Ona görə buarda mən və ya sən demirik. Bilirsiniz da hərbidə belə bir deyim var. Bir nəfər hamı üçün, hamı bir nəfər üçün. Bizim bircə “molodoyumuz” var ... ( gülür) O da ermənidir. Onu da anbaan izləyirik. 16 aydır xidmət edirəm. Hələ bir dəfə məni incidən və ya təhqir edən olmayıb.

- Olar bir söz deyim?

- Əlbəttə olar, əsgər. Buyur...


- Bax mənim balaca qardaşım da mən xidmətə yeni başlayanda mənimlə telefonda danışanda ... O da bu sualı verirdi.. Qardaş, orada adamı döyürlərmi? Yəni ki, qardaşım kimi çox adamlar var ki onları mülkidə də qorxudurlar. Mən bütün əsgərliyə gələcək gənclərdən xahiş edirəm... Qorxmayın, çəkinməyin... Sizi aldadırlar. Biz burada düşmən qarşısında qardaşıqsa, bu mühit bizdən geridə də var... Var ki, gəlib posta çıxıb.

- Əsgər, bax bu gün bir saatdır postdasan. Nə görmüsən nə qeyd etmisən?

- Çox şey görmüşəm. Amma danışmıram. Buna icazə yoxdur. Gəlin birlikdə baxaq görək nə görürük. Baxın düşmənin yanacaq daşıyan avtomobili görünür... Mən bunu qeydə alıram. Zəhmət olmasa səs yazanı söndürün məruzə edirəm.

- Əsgər düşmənlə üz-üzəsən. Maraqlıdır heç düşmən vurmusan?

- Yalan nə deyim? O qədər atmışam ki… Bəlkə də vurmuşam. Çox vaxt görüntü məhdud olur. Amma düşmən 24 saat nişangahdadır.


- Ən böyük arzun nədir?

- Bu an “döyüşə” əmrini alan hərbçi olmaq istəyirəm. Arzum isə torpaqlarımızı işğaldan azad etmək, yurdumuzda həmişə əminamanlıq görməkdir.

- Əsgər kiməsə salam və ya sözün varmı ?

- Əlbəttə var. Ailəmə salam deyirəm. Bir də mənim mavi gözlüm var. Ona da xüsusi salam deyirəm. Darıxmayın. Lap az qaldı...

- Sağ ol, əsgər!

- Salamat gedin!

Cümşüd Məmmədov
Foto: Elvin Abdulla
Ordu.az

© Materiallardan istifadə edərkən hiperlinklə istinad olunmalıdır


Teqlər: Cəbhə   Post   Azərbaycan-əsgəri