"Danışıqlar" sözünə uyğun 2686 nəticə tapıldı!

Erməni partiya rəsmisi: “Paşinyan Levon Ter-Petrosyanın vaxtında yaradılmış formatı geri qaytarmaq istəyir”

2019/12/big_1-1576059106.jpg
Oxunub: 622     16:11     11 Dekabr 2019    
“Ermənistan hakimiyyəti hələki Qarabağ münaqişəsinin həlli üçün hər hansı baxış təqdim etməyib”.

Ordu.az erməni KİV-lərinə istinadən xəbər verir ki, bunu “Erməni Milli Konqresi”nin sədr müavini Levon Zurabyan Dağlıq Qarabağ münaqişəsinin həll prosesində Ermənistan hakimiyyətinin apardığı siyasətə toxunarkən deyib.

Onun sözlərinə görə, Ermənistan Qarabağ məsələsi ətrafında aparılan danışıqların iki kateqoriyaya bölünməsini başa düşməlidir, bunlardan biri tərəflərin bir-birinə daha az atəş açması, bir-birinə güvənməsi, ümumiyyətlə nəinki hakimiyyətlərin, həmçinin xalqların bir-birinə inanması üçün etimad yaradılması problemidir.

“Bunlar etimadın yaradılması məsələsi ilə əlaqəli olan problemlərdir. Əsirlərin dəyişdirilməsi məsələləri, cəbhə xəttində gərginliyin azaldılması problemləri, ön xətdə kənd təsərrüfatı işlərinin asanlaşdırılması və s. buna daxildir. Lakin bəlkə də Qarabağ probleminin həll düsturu ilə bağlı olan daha vacib problem var. Yəni, Qarabağ problemi hansı düsturla həll olunmalıdır. Azərbaycanın mövqeyi budur ki, problemi ya danışıqlar, ya da müharibə yolu ilə həll etməliyik. Deməliyəm ki, Paşinyanın hakimiyyəti dövründə indiyə qədər erməni tərəfi məzmunlu danışıqlara daxil olmayıb və bunun üçün müəyyən əsaslar da olub. Bu əsaslar Paşinyanın irs aldığı formatla əlaqəlidir, öz geyimi deyil. Paşinyan Levon Ter-Petrosyanın vaxtında yaradılmış formatı geri qaytarmaq istəyir”, - deyə Zurabyan bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan   Paşinyan   İşğal   Qarabağ