"DSX" sözünə uyğun 367 nəticə tapıldı!

Erməni hərbi ekspert: “Azərbaycan bu il Tavuş istiqamətində üç hərbi baza açıb”

2019/11/photo-1573546361.jpg
Oxunub: 716     15:01     12 Noyabr 2019    
“Tikinti və möhkəmləndirmə işləri baxımından Azərbaycanın döyüş mövqelərində əvvəllər edilməmiş hər hansı bir qəribə iş həyata keçirilmir”.

Ordu.az erməni KİV-lərinə istinadən xəbər verir ki, bu barədə "Razm.info" saytının hərbi analitiki Hayk Xaçikyan bildirib.

Onun sözlərinə görə, 2018-ci ilin oktyabrından başlayaraq sərhədin Tavuş hissəsində tərəfimizdən həyata keçirilən işlərin sayı artıb.


“Çünki qorumanı Azərbaycan Dövlət Sərhəd Xidməti həyata keçirməyə başlayıb. Təbii olaraq onlar yeni alt strukturları, mövqelərə gedən yolları, sığınacaqları inkişaf etdirməyə başlayıblar. Hesab edirəm, burada azalma tendensiyası var, çünki əsas işlər tamamlanıb”, - deyə Xaçikyan bildirib.

Erməni hərbi ekspert qeyd edib ki, Azərbaycan arxa cəbhə və daha dərində əhəmiyyətli işlər görür, yeni hərbi hissələr tikir.

“Bu il Tavuş istiqamətində hər biri təxminən bir tabor ölçüsündə olan üç baza açıblar. Bunlar cəbhə xəttinə xidmət etməli olan alt strukturlardır. İndi onlara arxa cəbhədə alt strukturlar lazımdır ki, cəbhə xəttinə xidmət etsin. Bundan başqa, işlər daha dərində aparılır, yeni hərbi hissələr tikilir. Hazırda ən azı 3-4 hərbi hissə tikilmə mərhələsindədir. Onlardan birinin bu ay ərzində açılması mümkündür”, - deyə o bildirib.

Xaçikyanın sözlərinə görə, mövqelərin təhlükəsizliyi bir neçə komponentdən asılıdır və bu komponent mühəndis işlərindən başqa müşahidə cihazlarının quraşdırılmasını da nəzərdə tutur.

“Bu, mürəkkəb prosesin bir hissəsidir. Yuxarıda qeyd etdim ki, Azərbaycan Tavuşda yeni mövqelər inşa edir, biz də Azərbaycan tərəfinə cavab olaraq eyni şeyi etməyə çalışırıq. Bizdə bir az yanlış anlaşıldı ki, sanki Çinarini atəşə tutmaq mümkün olmayacaq. Xeyr, Çinari üzərində təhlükə qalır”, - deyə o bildirib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: DSX   Qazax