"DQ" sözünə uyğun 1243 nəticə tapıldı!

SIPRI: ABŞ-ın hərbi xərcləri 7 ildə ilk dəfə artıb

2019/04/wire--1556539641.jpg
Oxunub: 630     21:19     29 Aprel 2019    
Tramp administrasiyasının siyasətinin nəticəsi olaraq ABŞ-ın hərbi xərcləri son 7 ildə ilk dəfə olaraq yüksəlişlə müşahidə olunub.

Ordu.az “Daily Mail”ə istinadən xəbər verir ki, bu, Stokholm Beynəlxalq Sülh Tədqiqat İnstitutunun bu gün yaydığı hesabatdan aydın olub.

Hesabatda göstərilir ki, dünya üzrə bütövlükdə hərbi xərclər ötən il ərzində 2,6% artaraq 1,8 trilyon dollara çatıb. Bununla da ardıcıl ikinci il də artan qlobal göstərici 1988-ci ildən sonra ən yüksək səviyyəsinə çatıb.

SIPRI-nin Silahlar və Hərbi Xərcləmələr proqramının direktoru Aude Flurant ABŞ xərclərindəki artımı 2017-ci ildən etibarən iqtidarı ələ alan Tramp rəhbərliyindəki hökumət tərəfindən yeni silahlanma proqramının tətbiqi ilə izah edib.

Bu göstəriciyə görə, dünyanın ilk yerini zəbt edən ABŞ-ın ötənilki hərbi xərcləri 649 milyard dollar olub ki, bu ondan sonra gələn növbəti 8 ölkənin bütövlükdə xərclərinin cəminə bərabərdir.

Ağalar Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: SIPRI   ABŞ