"Balasanyan" sözünə uyğun 33 nəticə tapıldı!

Ermənistanla qondarma qurum arasında münasibətlər kəskinləşir

2019/02/Vital-1549023830.jpg
Oxunub: 1061     16:43     01 Fevral 2019    
İşğal altında olan Qarabağ ərazisində formalaşdırılan qondarma qurumun "təhlükəsizlik şurasının katibi" Vitali Balasanyan Ermənistan Xüsusi İstintaq Komitəsinin sədri Sasun Xaçatryanın reaksiyasına cavab verib.

Ordu.az xəbər verir ki, Balasanyan qeyd edib ki, yanvarın 28-də Yerablurda jurnalistlərin sualına verdiyi cavabla bağlı Xüsusi İstintaq Komitəsinin sədri Sasun Xaçatryanın şərhləri ilə tanış olub.

"İş üzrə materiallarla tanış olduqdan sonra qeyd edilən hadisələrin hüquqi baxımdan müzakirəsinə dair Sasun Xaçatryanın dəvətini qəbul edirəm", - deyə o bildirib.

Xatırladaq ki, yanvarın 28-də Ermənistanda ordu günü münasibətilə Yerablur hərbi xiyabanında Vitali Balasanyan "1 Mart" hadisələrinə toxunub.

O, "1 Mart" hadislərinə toxunarkən, fövqəladə vəziyyət elan olunmasına əsas olsun deyə hərbi qulluqçu Tiqran Abqaryanın öldürüldüyü barədə Xüsusi İstintaq Komitəsinin sədri Sasun Xaçatryanın bəyanatına münasibət bildirərkən deyib: "Ayıbdır, düzünü desək, belə şeylər demək olmaz. Xüsusilə, müxtəlif siyasi dividentlər əldə etmək üçün son zamanlar bu ailələri belə bir vəziyyətə saldıqlarını görürük. Konstitusiya quruluşunun dəyişdirilməsi maddəsi bir az gülməlidir".

Elə həmin gün jurnalistlər Sasun Xaçatryandan bu bəyanatla bağlı mövqeyini soruşublar. Xaçatryan deyib ki, əgər Vitali Balasanyan ayıb edibsə, bunu onun öz vicdanına buraxırıq, yox əgər Balasanyan ciddi hüquqşünasdırsa, hüquqi cəhətdən müzakirə aparmaq üçün onu dəvət edir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: