"Aviadaşıyıcı" sözünə uyğun 381 nəticə tapıldı!

Türkiyə F-35-lərlə silahlanmış aviadaşıyıcı əldə edə bilərmi?

2019/02/45645-1550841482.jpg
Oxunub: 1710     21:12     03 Aprel 2019    
Türkiyə F-35-ləri əldə etsə də, etməsə də, “Anadolu” Türkiyə donanmasının bu vaxta qədər ki, ən vacib gəmilərindən biri olacaq. Onun üzərinə götürəcəyi missiyalar Ankaradakı siyasi qərarlardan da asılı olacaq: ABŞ-a nə qədər yaxın qalınacaq, Yunanıstanla gərginlik necə idarə ediləcək, Rusiya ilə münasibətlər hansı səpkidə qurulacaq və s. Lakin “Anadolu” bu problemlərin istənilən birincə böyük töhfə verə biləcək qədər faydalı platformadır.

Türkiyə aviadaşıyıcı klubuna qoşulmağa qərar verib. İki il ərzində Türkiyə donanması “TCG Anadolu” gəmisini öz silahlanmasına əlavə edəcək. O son yüz ildə Türkiyə filotiliyasına qoşulan ən böyük və qüdrətli döyüş gəmisi olacaq. Lakin “Anadolu”nun gələcəyi Ankara və Vaşinqton arasındakı əlaqələrin möhkəmliyindən də asılı olacaq.

“Anadolu” “Juan Carlos” dizaynı əsasında layihələndirilən dördüncü gəmidir. “Juan Carlor I” 2010-ci ildə İspaniya donanmasına təqdim edilib. “HMAS Canberra” və “HMAS Adelaide” 2014 və 2015-ci illərdə Avstraliya Kral donanmasının silahlanmasına daxil edilib. “Anadolu”nun inşasını isə İspaniyanın gəmiqayırma firması “Navantia” ilə birlikdə Türkiyənin “Sedef Shipbuilding” kompaniyası həyata keçirir.

Gəmi 27 min ton yükgötürmə qabiliyyətinə malik olacaq. Onun bütöv uzunluğu 232 metr, maksimum sürəti isə 39 km/saat olacaq. Onun platformasında F-35B təyyarələrindən istifadə etmək mümkün olacaq.

İddialara görə, “Anadolu” iki müxtəlif konfiqurasiyada əməliyyat aparacaq. Bunlar yüngül daşıyıcı və amfibik hücumdur. Sonuncu formada o, helikopterlər və müxtəlif növ amfibik ləvazimatlar daşıyacaq. Birinci konfiqurasiya isə onun götürə biləcəyi F-35B-lərin sayı ilə fərqlənir və o, 12-yə qədər ola biləcək. Lakin Türkiyənin ümumiyyətlə F-35-lər ala bilib-bilməyəcəyi isə hələlik sual altındadır.

Ağalar Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: Türkiyə   Anadolu   F-35