"AİƏT" sözünə uyğun 66 nəticə tapıldı!

Nə üçün Paşinyan KTMT və AİƏT çərçivəsində özünü diskamfort hiss edir? - EKSPERTLƏR

2019/06/ice_s-3121867736.jpg
Oxunub: 700     14:40     19 İyun 2019    
“Moskva bu kimi addımlarla göstərir ki, oyunun qaydaları var və bu qaydalar təmin olunmalıdır”.

Ordu.az erməni KİV-lərə istinadən xəbər verir ki, bu sözləri Yaxın Şərq və Qafqaz ölkələri üzrə ekspert, “Regnum” agentliyinin şərq şöbəsinin Baş redaktoru Stanislav Tarasov iyunun 13-də Ermənistanın ikinci prezidenti Robert Köçəryanla Rusiyanın Ermənistandakı səfiri Sergey Kopirkin görüşünün detallarını şərh edərkən deyib.


Onun sözlərinə görə, atılan bu kimi addımlar Rusiyanın Ermənistanın daxili işlərinə müdaxiləsi kimi qəbul edilir.

“Belə bir hadisənin baş verməsi ilk dəfə deyil. Rusiya prezidenti Vladimir Putin bundan əvvəl Köçəryanı doğum günü münasibətilə təbrik edib. Rusiyanın baş verənlərlə bağlı mövqeyi açıq şəkildə ortadadır. Belə ki, Köçəryan Qarabağın (qondarma qurum-red.) birinci, Ermənistanın isə ikinci prezidentidir.

Ermənistanda konstitusiya var və prezident toxunulmazdır. Poroşenko təmiz bir cinayətkardır, hətta onun toxunulmazlığı təmin edilib. Təbii ki, bütün bunların hamısı mənfi reaksiyaya səbəb olur. Söhbət hesabların təmizlənməsindən gedir.

Moskva bu kimi addımlarla göstərir ki, oyunun qaydaları var və bu qaydalar təmin olunmalıdır. Məsələ təkcə Köçəryana aid deyil. Nə üçün Paşinyan KTMT ölkələri və AİƏT çərçivəsində özünü diskamfort hiss edir? İnqilab gəlir və oturmağa başlayır. Bu, normal deyil və normal qəbul olunmur. Ermənistanın üç prezidenti olub və bu üç prezidentin üçü də, cinayətkardır” dedilər. Bəs Ermənistanın Konstitusiyası yoxdur, kim yaradıb bu dövləti? Bu kimi suallar ortaya çıxır”, - deyə Tarasov bildirib.


Praqanın “Azadlıq” radiostansiyasının “Exo Qafqaza” xidmətinin siyasi şərhçisi Vadim Dubnov isə vurğulayıb ki, Paşinyan “bizimki” olmayıb, lakin bu kimi hadisələr ikitərəfli ciddi nəticələrə səbəb olmur.

“Baş tutmuş görüş dramatizasiya ediməməlidir, çünki Kreml Köçəryanla yaxşı əlaqələr nümayiş etdirir, Paşinyan isə Kreml üçün hazırkı ana qədər “bizimki” olmayıb.

Yəni, Rusiya bütün münasibətlər proqramını mümkün düzgünlük və təbəssümlə həyata keçirir. Lakin hər kəs Paşinyanı anlayır ki, o, “bizimki” olmayıb və olacağı ehtimalı da azdır. Köçəryan və Sarkisyan bizim klanın üzvləridir, Paşinyan isə özünü Avrasiya yönümlü göstərməyə çalışır. Biz ona o qədər də etibar etmirik və ona etibar etməməkdə əsaslarımız var. Biz bunu anlayırıq. O, bizim adamımız deyil, lakin biz onunla işləyəcəyik. Hesab edirəm, bu, problemli məsələ deyil”,- deyə Dubnov qeyd edib.

Qeyd edək ki, Köçəryan-Kopirkin təkbətək görüşü bir saatdan çox davam edib və kifayət qədər geniş müzakirələrə, tənqidlərə səbəb olub.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Paşinyan   Rusiya