"Ağstafa" sözünə uyğun 217 nəticə tapıldı!

Günnüt qəhrəmanının anım günüdür

2019/05/image-1558341641.jpg
Oxunub: 1276     12:38     20 May 2019    
Bu gün Günnüt uğrunda gedən döyüşlərdə şəhid olan Adil Tatarovun anım günüdür.

Ordu.az-ın məlumatına görə, Adil Tatarov 28 yanvar 1999-cu ildə Ağstafa rayonunun Qıraq Kəsəmən kəndində doğulub və X.Mirzəyev adına Qıraq Kəsəmən kənd tam orta məktəbini bitirdikdən sonra 2017-ci ilin aprelində hərbi xidmətə yollanıb.

Ailədə 5 uşaqdan kiçiyi olan Adil eyni zamanda Tatarovlar ailəsinin yeganə oğul övladı olub. Onun Silahlı Qüvvələrimizdə hərbi xidmətini başa vurmasına, gəncin ordudan tərxis olunmasına bir neçə ay qalmışdı.

Xatırladaq ki, Azərbaycan-Ermənistan dövlət sərhədinin Naxçıvan Muxtar Respublikası sahəsində düşmən tərəfinin növbəti təxribatının qarşısını alarkən, döyüş tapşırığını yerinə yetirən zaman, Günnüt uğrunda gedən döyüşlərdə şəhid olan Adil Tatarov Azərbaycan Respublikasının müstəqilliyinin, ərazi bütövlüyünün qorunub saxlanılmasında xüsusi xidmətlərinə, öz xidməti vəzifələrini və hərbi hissənin qarşısında qoyulmuş döyüş tapşırıqlarını yerinə yetirərkən şəhid olduğuna görə Müdafiə naziri, general-polkovnik Zakir Həsənovun əmri ilə “Şücaətə görə”, Azərbaycan Prezidenti, Silahlı Qüvvələrin Ali Baş Komandanı İlham Əliyevin imzaladığı sərəncamla isə “Vətən uğrunda” medalı ilə təltif olunub.

Ordu.az

© Materiallardan istifadə edərkən hiperlinklə istinad olunmalıdır


Teqlər: Adil-Tatarov   Günnüt   Şəhid