"Ağdərə" sözünə uyğun 222 nəticə tapıldı!

Ermənistan MN hərbi qulluqçuların ölüm faktını gizlədir - 4 ölü (ƏTRAFLI)

2019/03/45645-1551763773.jpg
Oxunub: 1726     09:28     05 Mart 2019    
Ermənistan ordusunda 2019-cu il ərzində baş verən 4 ölüm faktı barədə məlumat gizlədilib.

Ordu.az erməni KİV-lərinə istinadən xəbər verir ki, son iki ay ərzində Ermənistan Silahlı Qüvvələrində, həmçinin işğal altında olan Qarabağda qanunsuz dislokasiya olunan hərbi birləşmədə ölən hərbçilər barədə Müdafiə Nazirliyi məlumatları gizlədib.

Əldə edilən məlumatlarla bağlı rəsmi mövqe öyrənmək üçün cari ilin 1 yanvar-20 fevral tarixləri arasında Ermənistan ordusunda neçə itki olduğu barədə İstintaq Komitəsinə yazılı müraciət edilib.

Müraciətə cavab olaraq, İstintaq Komitəsindən bildirilib ki, qeyd olunan müddət ərzində hərbi xidmətlə bağlı 3, hərbi xidmətlə bağlı olmayan isə 4 ölüm faktı qeydə alınıb.

Beləliklə 1 ay 21 gün müddətində Ermənistan ordusunda 7 hərbi qulluqçu ölüb. Cavab məktubunda qeyd edilir ki, 2019-cu ilin 1 yanvar tarixindən 21 fevral tarixinədək qeyd edilən müddət ərzində Ermənistan Silahlı Qüvvələrində və işğal altında olan Qarabağda qanunsuz dislokasiya olunmuş hərbi birləşmədə hərbi xidmətlə bağlı 3 ölüm faktı qeydə alınıb.

1. E. Qriqoryan - 01.01.2019-cu ildə döyüş növbətçiliyində olarkən ölüm faktı ilə bağlı Ermənistan cinayət məcəlləsinin 110-cu maddəsinin 1-ci hissəsi ilə nəzərdə tutulan cinayət halları üzrə cinayət işi açılıb.

2. M. Qriqoryan - 01.02.2019-cu ildə döyüş növbətçiliyi həyata keçirərkən müddətli xidmət hərbi qulluqçusu tərəfindən açılan atəş nəticəsində ölüm faktı ilə bağlı Ermənistan cinayət məcəlləsinin 104-cü maddəsinin 1-ci hissəsi ilə nəzərdə tutulan cinayət halları üzrə cinayət işi açılıb.

3. F. Tamazyan - 12.02.2019-cu ildə səhhəti ilə bağlı ölüm faktı üzrə Ermənistan cinayət məcəlləsinin 376-cı maddəsinin 2-ci hissəsi ilə nəzərdə tutulan cinayət halları üzrə cinayət işi açılıb.

Həmçinin bildirilir ki, qeyd edilən müddət ərzində Ermənistan Silahlı Qüvvələrində və işğal altında olan Qarabağda qanunsuz dislokasiya olunan hərbi birləşmədə xidmətlə bağlı olmayan 2 hal səhhəti ilə əlaqədar, 2 hal avtoqəza ilə əlaqədar olmaqla 4 ölüm faktı qeydə alınıb.

Bu ölüm faktları üzrə Ermənistan Müdafiə Nazirliyi rəsmi məlumat verməyib.

Qeyd edək ki, Edqar Qriqoryanın ölüm faktı üzrə intihar həddinə çatdırma, Mesrop Qriqoryanın ölüm faktı üzrə öldürmə, Tamazyanın ölüm faktı üzrə isə xidməti vəzifə borclarına səhlənkar yanaşma maddələri üzrə cinayət işləri açılıb.

Erməni KİV-ləri hərbi xidmətlə bağlı olmayan ölüm halları barədə daha ətraflı məlumat üçün əlavə sorğu göndərib.

Xatırladaq ki, Ermənistan Müdafiə Nazirliyi 2019-cu ildə ölən Edqar Qriqoryanın ölümü barədə də məlumat yaymayıb.

Bu məlumat yayıldıqdan sonra digər bir fakt, hərbi qulluqçu Mesrop Qriqoryanın ölümü haqqında Ermənistan MN-in mətbuat katibi Artsrun Hovhannisyan "Facebook" səhifəsində məlumat yaymağa məcbur olub.

Daha bir hərbi qulluqçunun ölümü barədə məlumatı isə işğal altında olan Qarabağda qanunsuz dislokasiya olunan hərbi birləşmədən açıqlamağa məcbur olmuşdular. Belə ki, verilən məlumata görə fevralın 12-də, saat 18:00 radələrində qaraciyər çatışmazlığı, ürək dayanması diaqnozu ilə cəbhə xəttinin şimal-şərq hissəsində dislokasiya olunan hərbi hissələrdən birinin hərbi qulluqçusu, 2000-ci il təvəllüdlü Frunzik Valeri Tamazyan həddindən artıq ağır vəziyyətdə Ağdərədəki hərbi hospitala təxliyyə edilib. Həkimlərin səylərinə baxmayaraq, erməni hərbi qulluqçu saat 20:30 radələrində ölüb.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan-ordusu   Ölüm