"Əl-Qaidə" sözünə uyğun 95 nəticə tapıldı!

İraqdakı xarici qüvvələrin sayı 25% azalıb

2019/01/uk-so-1547709166.jpg
Oxunub: 868     19:10     17 Yanvar 2019    
İraqda fəaliyyət göstərən xarici hərbçilərin sayı ötən il ərzində 25% azalıb.

Ordu.az xarici KİV-lərə istinadən xəbər verir ki, bu barədə İraq Baş nazirinin mətbuat xidməti məlumat yayıb.

Məlumatda deyilir ki, ötən ilin yanvarında İraqdakı xarici hərbçilərin sayı 11 min, bunların təxminən 70%-i isə amerikalı idi. Lakin dekabr ayında artıq bu say 8 minə qədər azalmışdı və əsas azalma məhz ABŞ əsgərlərində müşahidə edilir. Belə ki, amerikalı hərbiçilərin sayı hazırda 6 minə yaxındır.

Bildirilib ki, xarici qüvvələrin sayındakı azalma İraq hökumətinin İŞİD üzərində tam qələbə elan etməsindən 12 ay keçdikdən sonra daha da sürətli hal alıb. Geridə qoyduğumuz ilin təkcə son iki ayında isə 1000 xarici əsgər ölkəni tərk edib.

Qeyd edək ki, ilk dəfə 2003-cü ildə İraqa qoşun yeridən ABŞ-ın buradakı əsgərlərinin sayı həmin vaxtlarda “Əl-Qaidə”yə qarşı mübarizə səbəbi ilə 17 minə qədər yüksəlmişdi. Barak Obama rəhbərliyində ABŞ 2011-ci ildə İraqı təmamilə tərk etsə də, İŞİD-in güclənməsindən sonra 2014-cü ildə yenidən buraya geri dönülüb.

Ağalar Ağalarlı
Ordu.az

© Materiallardan istifadə edərkən hiperlinklə istinad olunmalıdır


Teqlər: İraq   Xarici-qoşunlar   ABŞ