"İstefa" sözünə uyğun 335 nəticə tapıldı!

Erməni vəkil: “Sabiq vilayət rəhbəri polkovnik-leytenantı döyənləri dəstəkləyir”

2019/10/Trdat-1569999471.jpg
Oxunub: 747     14:43     02 Oktyabr 2019    
“Qarşı tərəfin bəzi gizli tədbirlər görməsindən narahatlıq var, Vayots Dzorun keçmiş qubernatoru birdən çox olan hadisənin qalan iştirakçılarına vəkil tutmaq və xidmətlərin ödənilməsi üçün kömək edir”.

Ordu.az erməni KİV-lərinə istinadən xəbər verir ki, bunu Ermənistanda hüquq firmasına rəhbərlik edən Qevorq Hovhannisyan bildirib.

O döyülmüş polkovnik leytenant Ara Mxitaryanla bağlı qeyd edib ki, onun vəziyyəti hələ də ağır olaraq qalmaqdadır.

“Bunlar kimdir, nəçidir, nə vaxt olub, deyə gizli saxlanılmalı olan məlumatlar dərc olunur? Bu ən yüksək səviyyədə edilir. Neçə nəfərin olduğunu, nə baş verdiyini açıqlayırlar, bəs 3 deyil, 9 nəfərin olduğu ortaya çıxarsa necə olacaq? Alen Simonyan öz səhifəsində yazır ki, Araya baş çəkib, amma onu burada heç kim görməyib”, - deyə Hovhanisyan bildirib.

Xatırladaq ki, Vayots Dzor vilayətində baş verən münaqişə nəticəsində Ermənistan MN-in polkovnik-leytenant rütbəli zabiti Ara Mxitaryan ağır bədən xəsarətləri almış və hazırda MN-in hərbi hospitalında reanimasiya şöbəsində koma vəziyyətindədir. Rəsmi versiyaya görə, cinayəti törədən olduğu ehtimal olunan şəxs Yeğeqnadzor sakini, yumruqla bir dəfə zabitin başına zərbə endirib, nəticə zabit yerə yıxılıb.

Zabitin yaxınları isə bir zərbə nəticəsində belə bir xəsarət yetirilməsini inkar edirlər.

Ermənistanın İstintaq Komitəsinin məlumatına əsasən, hadisədə 3-4 nəfər iştirak edib. Hazırda 1 nəfər Vayots Dzorun sabiq rəhbəri Trdat Sarkisyanın köməkçisi Harutyun Qriqoryan həbs edilib. Ona qarşı şüurlu şəkildə şəxsə ağır bədən xəsarəti yetirmə maddəsi ilə ittiham irəli sürülüb.

Xatırladaq ki, hadisədən bir neçə gün sonra vilayət rəhbəri Trdat Sarkisyan tutduğu vəzifəsindən istefa verib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan-ordusu   Döyülmə