" İnformasiya-müharibəsi " sözünə uyğun nəticə tapıldı!

"İnformasiya-müharibəsi" - (1509 )

Tonoyanın yeni mətbuat xidmətinin rəhbəri kimdir? – DOSYE

2020/03/56756-1584081706.jpg
Oxunub: 2372     10:39     13 Mart 2020    
Xəbər verdiyimiz kimi, Ermənistan Müdafiə naziri Davit Tonoyanın əmri ilə Şuşan Stepanyan Müdafiə Nazirliyinin mətbuat xidmətinin rəhbəri təyin olunub.

Ordu.az-ın məlumatına görə, Şuşan Şahen Stepanyan rütbəcə mayordur, 1988-ci il avqustun 8-də işğal altında Xocavənd rayonunun Hadrut qəsəbəsində anadan olub.

1995-2005-ci illərdə Hadrut qəsəbəsində yerləşən M.Manvelyan adına orta məktəbi oxuyub və iddialara görə əlaçı qiymətlərlə bitirib. 2005-2009-cu illərdə İrəvan Dövlət Universitetinin Jurnalistika fakültəsində oxuyub.

2007-2009-cu illərdə “Hetk” elektron jurnalında araşdırmaçı jurnalist kimi işləyib. 2009-cu ildə Ermənistan Müdafiə Nazirliyinin “Hay zinvor” (Erməni əsgəri - red.) qəzetinin hərbi-siyasi informasiya və hərbi qulluqçuların ideoloji şöbəsinin müxbiri kimi müqaviləli hərbi xidmətə qəbul olunub.

2013-cü ildə eyni qəzetin redaksiyasının mədəniyyət və ictimaiyyətlə əlaqələr şöbəsinin müxbiri, 2015-2016-cı illərdə həmin qəzetin redaksiyasının qoşunların gündəlik fəaliyyətinin işıqlandırılması şöbəsinin redaktoru, 2017-ci ildə eyni qəzetin redaksiyasının qoşunların gündəlik fəaliyyətinin işıqlandırılması şöbəsinin rəisi, 2018-ci ildə “Zinuj Media” (Silahlı Qüvvələr Mediası - red.) dövlət qurumunun mətbuat şöbəsinin müxbiri olub.

2019-cu ildən başlayaraq Ermənistan Silahlı Qüvvələrində qulluq edir. Atası Şahen Stepanyan Qarabağ müharibəsi iştirakçısıdır.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Ermənistan-ordusu   Mətbuat-xidməti   Şuşan-Stepanyan