"İşğal" sözünə uyğun 3354 nəticə tapıldı!

Paşinyan təxribatçı bəyanatını yenidən səsləndirdi: "O zaman biz də deyəcəyik ki, Qarabağ Ermənistandır, vəssalam"

2019/09/20410-1568641491.jpg
Oxunub: 1279     17:38     16 Sentyabr 2019    
"Məsələ burasındadır ki, Azərbaycan hər zaman bildirir ki, Qarabağ məsələsi yalnız bir prinsiplə - Azərbaycanın ərazi bütövlüyü çərçivəsində həll olunacaq".

Ordu.az erməni KİV-lərinə istinadən xəbər verir ki, bu barədə bu gün Ermənistanın Baş naziri Nikol Paşinyan Vanadzorda baş tutan mətbuat konfransı zamanı bildirib.

İşğal altında olan Xankəndindəki təxribatçı açıqlamalarına haqq qazandırmağa çalışan Paşinyan həyasızcasına bildirib ki, əgər Azərbaycan deyirsə ki, Qarabağ Azərbaycan tərkibində olmalıdır və Azərbaycan tərəfinin bu prinsipi kateqorikdirsə, o zaman bu kompromisi tanımayan Ermənistan da "Qarabağ Ermənistandır, vəssalam" deməlidir.

Xatırladaq ki, avqustun 5-də Xankəndində təşkil olunmuş mitinq zamanı Paşinyan öz çıxışında "Qarabağ Ermənistandır, vəssalam" deyə təxribatçı çıxış etmişdi.

"Məsələ burasındadır ki, Azərbaycan hər zaman bildirir ki, Qarabağ məsələsi yalnız bir prinsiplə - Azərbaycanın ərazi bütövlüyü çərçivəsində həll olunacaq. Lakin ATƏT-in Minsk qrupu həmsədrləri ilə işgüzar müzakirələr zamanı deyilib ki, Qarabağın statusu Azərbaycan tərkibindən kənar ola bilər", - deyə Paşinyan ATƏT-in adından da yalan informasiya verməyə çalışıb.

O qeyd edib ki, bir həftə öncə Qarabağ məsələsinin istənilən həllinin Azərbaycan, Qarabağ (qondarma qurum-red.) və Ermənistan xalqları üçün məqbul olmalı olduğunu bildirib. Paşinyan vurğulayıb ki, o, Ermənistanın ilk rəhbəridir ki, Azərbaycan xalqı tərəfindən hər hansısa həll haqqında danışıb və bu şey üçün Ermənistanda müzakirələr aparılıb.

Paşinyan bildirib ki, hələ bir il əvvəl Azərbaycan rəhbərliyindən oxşar bəyanat gözləsə də, Azərbaycan rəhbərliyi belə bir bəyanat verməyib.

Erməni jurnalistlər Paşinyandan ATƏT-in Minsk qrupunun keçmiş amerikalı həmsədri, ABŞ-ın Azərbaycandakı sabiq səfiri Metyu Brayzanın "Bakı Dağlıq Qarabağ məsələsini həll etməyə hazırdır və proses yalnız erməni tərəfinə görə ləngiyir" fikirlərinə münasibət bildirməsini istəyiblər.

Paşinyan isə suala cavabdan yayınaraq Brayzanı əsassız olaraq ittiham etməyə çalışıb: "Yeri gəlmişkən, indi işləyir? Bəlkə onun üçün daha uyğun bir iş tapaq. Onun ATƏT-in Minsk qrupuna həmsədr olmasından sonra danışıqlar baxımından çox su axıb və əmin deyiləm ki, o hər şeyə sahibdir. Əgər Qarabağ problemini həll etmək asan olsaydı, Brayza həmsədirliyi zamanı onu həll edərdi".

Xatırladaq ki, "Qarabağ Ermənistandır, vəssalam" ifadəsindən sonra Ermənistan Xarici İşlər naziri Zöhrab Mnatsakanyan bildirib ki, o, Qarabağ danışıqları prosesində dəyişikliklərə getməyi ehtimal etmir.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Paşinyan   Təxribat   Qarabağ