" İşğal " sözünə uyğun nəticə tapıldı!

"İşğal" - (3591 )

Qarabağda keçiriləcək qanunsuz “seçki”lər ləğv olunacaq?

2020/03/coron-1585158738.jpg
Oxunub: 1243     16:33     29 Mart 2020    
31 mart tarixində işğal altında olan Qarabağdakı qondarma qurumun “rəhbərliyinə” keçiriləcək qanunsuz “seçki”lər ləğv edilməyəcək. “Seçki”lərdə “namizədliyini irəli sürən şəxslər” qapalı şəraitdə insanlarla təmas qurmaqdan yayınmaqla seçki kampaniyasını davam etdirirlər.

Qarabağda koronavirusa yoluxma faktlarının gizlədilməsindən dolayı, “namizəd”lərdən biri Vitali Balasanyan fövqəladə vəziyyət elan edilməsini təklif etsə də, digər “namizəd” Vahan Badasyan isə seçkiləri təxirə salmaq təklifi ilə çıxış edib. Bütün bunlara baxmayaraq heç bir dəyişiklik yoxdur.

Yəqin ki, əsas problem müşahidəçilərin iştirakı olmadan “real seçkilər günü” yaranacaq. Epidemiya səbəbindən çox ehtimal olunur ki, Qarabağda heç bir müşahidəçi olmayacaq.

Erməni hüquq müdafiəçisi Karen Ohancanyanın sözlərinə görə, təşkilatlar və ya KİV-lərin iştirakı “seçkinin legitimliyi” baxımından əhəmiyyətli dərəcədə rol oynamır.

“Mən ümumiyyətlə cəmiyyətimizin böyük əksəriyyətinin habelə bəzi KİV-lərin seçkilər barədə elementar məlumatlarının olmamasından təəccüblənirəm. Bir çox ölkələr müşahidəçiləri dəvət etmədən “seçki” keçirilir və bu çox normaldır”, - o qeyd edib.

Ohancanyanın sözlərinə görə, hesabatlarında müşahidəçilər sadəcə bu və ya digər çatışmazlığı qeyd edə bilər. Daha yaxşı olması üçün növbəti “seçki”nin necə keçiriləcəyi barədə məsləhətlər verə bilər.

“Sadəcə bu qədərini edə bilər. Seçkilərin legitimliyinə gəldikdə isə bunu aktiv iştirakı və seçimi ilə insanlar özü qərarlaşdırır. Qarabağda isə “hakimiyyət” və “ictimaiyyət” azad “seçki”lərin keçirilməsində maraqlıdır”, - deyə o qeyd edib.

Erməni politoloq Robert Qevondyanın sözlərimnə görə, Qarabağda fövqəladə vəziyyət elan edilməsinə heç bir əsas yoxdur.

““Seçki”lərin keçirilməsi yaxşı olardı, amma iki məsələ var. Ermənistan hökuməti “Qarabağ Ermənistandır və son” ifadəsinin yalnız hüquqları deyil, həm də bir öhdəliyi nəzərdə tutduğunu nəzərə almalıdır. Əgər Ermənistanda dəyişikliklər baş veribsə və elə bir vəziyyət yaranıbsa ki, xalq hakimiyyətinin mahiyyətini əks etdirən siyasi və ictimai münasibətlər Qarabağda (qondarma qurum – red.) da eyni şəkildə öz əksini tapmalıdır. Ermənistan hakimiyyətinin Qarabağda hər hansı bir qüvvənin 2018-ci ilə qədər Ermənistanda mövcud olan əxlaqı davam etdirməsinə imkan verməməlidir. İkincisi, Qarabağda mövcud olan siyasi sosial qüvvələr Qarabağın Ermənistan olduğunu və həmin Ermənistanda demokratik dəyərlərin alternativinin olmadığını nəzərə almalıdırlar. Avtoritar sistemini tətbiq etməyə davam etməyi düşünən hər hansı bir qurumun Qarabağda yaşamaq hüququ olmamalıdır”, - deyə erməni politoloq bildirib.

Politoloqun sözlərinə görə, Arayik Harutyunyan və Masis Mayilyanın ikinci mərhələyə keçmək şansları yüksəkdir.

“Əlbəttə ki, hazırda orada olmadığımızı nəzərə alsaq, təhlil üçün ikinci dərəcəli mənbələrə istinad etdiyimizə görə deyilənlərin reallığa çevrilməməsi ehtimalı da vardır. Burada bir daha vurğulamaq lazımdır ki, Ermənistan hakimiyyətinin rolu son dərəcə vacibdir. Proseslərin istənilən digər yöndə inkişaf etdiyi təqdirdə Qarabağ məsələsində ciddi problemlərimiz olacaq. Bu isə gələcəkdə Ermənistan hakimiyyətinin sərt müdaxiləsindən daha çox ciddi problemlərə gətirib çıxaracaq”, - deyə o qeyd edib.

Alpər Mövludoğlu
Ordu.az

© Materiallardan istifadə edərkən hiperlinklə istinad olunmalıdır


Teqlər: Qarabağ   İşğal   Qanunsuz-seçki