Ordu.az xəbər verir ki, bu barədə o, “Truth Social” sosial şəbəkəsində paylaşım edib.

Tramp bildirib ki, ABŞ Silahlı Qüvvələri ona ötən gecə İran tərəfinin Hörmüz boğazı ərazisində patrul xidməti həyata keçirən yüksək texnologiyalı AH-64 “Apache” helikopterlərindən birini vurduğu barədə məlumat verib.

ABŞ Prezidenti qeyd edib ki, helikopterin göyərtəsində iki pilot olub və onların hər ikisi sağ qalıb, xəsarət almayıb.

“Silahlı Qüvvələrimiz mənə bildirdi ki, iranlılar ötən gecə Hörmüz boğazı ərazisində patrul xidməti həyata keçirən yüksək texnologiyalı “Apache” helikopterlərimizdən birini vurublar. Göyərtədə iki pilot olub, hər ikisi təhlükəsizdir və xəsarət almayıb. Bununla belə, ABŞ zərurət yaranarsa, bu hücuma cavab verməlidir”, - deyə Tramp yazıb.

Məlumata görə, bundan əvvəl “The New York Times” qəzeti mənbələrə istinadən ABŞ-yə məxsus AH-64 “Apache” hücum helikopterinin Hörmüz boğazı yaxınlığında qəzaya uğradığını yazmışdı.

Həmin vaxt insidentin səbəbləri barədə rəsmi məlumat verilməmişdi. Trampın son açıqlaması isə helikopterin İran tərəfindən vurulduğunu iddia edir.

Sevinc Əliyeva
Ordu.az