Ordu.az xəbər verir ki, sənəd Gürcüstanda fəaliyyət göstərən Rusiya və Çin kəşfiyyat şəbəkələri, onların təsir mexanizmləri və Moskva ilə Pekinin əməkdaşlıq istiqamətləri barədə hesabatların hazırlanmasını nəzərdə tutur.

Qanun layihəsinin əsas təşəbbüskarı olan Cənubi Karolina ştatından respublikaçı konqresmen Co Uilson bildirib ki, təşəbbüs Gürcüstan xalqına dəstək məqsədi daşıyır.

“Anti-ABŞ mövqeyi tutan “Gürcü Arzusu” partiyası gürcü xalqını təmsil etmir. Gürcülər ABŞ ilə güclü münasibətlər istəyirlər. Bunun yolu siyasi məhbusların azad edilməsi, azad və ədalətli seçkilərin keçirilməsi və Çin, Rusiya, İranın dağıdıcı təsirinin aradan qaldırılmasından keçir”, - deyə Uilson vurğulayıb.

Qeyd edək ki, qərar Çin və Gürcüstanın münasibətləri “hərtərəfli strateji tərəfdaşlıq” səviyyəsinə qaldırmaq barədə birgə bəyanat verdiyi gün qəbul olunub.

Alpər Mövludoğlu
Ordu.az