Ordu.az xəbər verir ki, bu barədə “Azadlıq” radiosu məlumat yayıb.

Nəşrin məlumatına görə, 27/7 saylı seçki məntəqəsində yenidən sayılmadan sonra “Çiçəklənən Ermənistan” Partiyasının 77 səs aldığı təsdiqlənib.

“Halbuki Ermənistan Mərkəzi Seçki Komissiyasının saytında bu partiyanın cəmi 1 səs topladığı göstərilmişdi. Bundan əvvəl 27/26 saylı seçki məntəqəsində də yenidən sayılma nəticəsində partiyanın 19 səs aldığı müəyyən olunmuşdu. Halbuki rəsmi sistemdə bu rəqəm 3 səs kimi qeyd edilmişdi.

Beləliklə, yalnız bu iki məntəqədə “Çiçəklənən Ermənistan” Partiyasının nəticəsinə 92 səs əlavə olunacaq. Seçki dairəsi komissiyasının sədri hadisədə qərəz olmadığını bildirərək bunu texniki səhvlə izah edib.

Qeyd edək ki, ilkin nəticələrə əsasən Qaqik Tsarukyanın rəhbərlik etdiyi “Çiçəklənən Ermənistan” Partiyası 3,996 faiz səs toplayıb və 4 faizlik keçid həddini cüzi fərqlə aşa bilməyib”, - deyə nəşr bildirib.

Alpər Mövludoğlu
Ordu.az