Ordu.az xarici mediaya istinadən xəbər verir ki, bu barədə Albaniya Baş naziri Edi Rama bildirib.

“Layihə həyata keçiriləcək. Bunu aydın şəkildə qeyd edək. Layihə həyata keçiriləcək, çünki o, iqtisadiyyatımıza böyük fayda gətirəcək və Albaniyada turizm üçün əhəmiyyətli, tarixi baxımdan irəli atılmış addım olacaq”, - deyə Baş nazir bildirib.

Daha əvvəl Albaniya Xüsusi Antikorrupsiya Prokurorluğu Adriatik sahilində yerləşən Vyosa–Narta təbiəti mühafizə zonasının statusunda aparılmış dəyişikliklərlə bağlı istintaqa başlamışdı. Kuşnerə məxsus investisiya şirkəti “Affinity Partners” həmin ərazini böyük kurorta çevirməyi planlaşdırır. Layihəyə vəhşi Sazan adası və qorunan landşaftın bir neçə yüz hektarı daxildir.

May ayının sonunda Albaniyada kurort tikintisi üçün ayrılmış ərazidə tərtibatçılar tərəfindən çimərliyə çıxışı məhdudlaşdıran tikanlı məftilli hasarların çəkilməsindən sonra etirazlar başlamışdı. Aksiyalarda ekoloji təşkilatlar iştirak etmiş, bir çox nümayişçi təbiəti mühafizə zonasında yaşayan çəhrayı flaminqoların təsvirlərini daşıyırdı. Bu səbəbdən bəzi Qərb media qurumları etirazları “flaminqo inqilabı” adlandırmışdı.

Ordu.az