Ordu.az xəbər verir ki, bu barədə Fransanın xarici işlər naziri Jean-Noel Barrot açıqlama verib.

“Bu gün britaniyalı, kanadalı, avstraliyalı, yeni zelandiyalı və norveçli tərəfdaşlarımızla birlikdə “işğal olunmuş” Qərb sahilində məskunlaşmanın genişləndirilməsinə və zorakılıqlara görə məsuliyyət daşıyan şəxslərə qarşı yeni sanksiyalar tətbiq edirik”, - deyə o, sosial şəbəkədə yazıb.

Barrotun sözlərinə görə, Fransa İsrailin maliyyə naziri Bezalel Smotrichin, məskunlaşma təşkilatlarının dörd rəhbərinin və zorakılıqlarla əlaqələndirilən 21 məskunlaşmaçının ölkəyə girişini qadağan edib.

Fransalı nazir bildirib ki, Smotriç Qərb sahilinin ilhaqını, yeni yaşayış məntəqələrinin salınmasını, Qəzza zolağının yenidən məskunlaşdırılmasını, həmçinin Fələstin Milli Administrasiyasının iqtisadi cəhətdən zəiflədilməsini açıq şəkildə dəstəkləyir.

“Bu, beynəlxalq ictimaiyyətin böyük əksəriyyətinin qəbul edə bilməyəcəyi siyasətdir. Çünki bir çox ölkələr iki dövlət prinsipinə sadiq qalırlar”, - deyə o vurğulayıb.

Alpər Mövludoğlu
Ordu.az