Ordu.az xəbər verir ki, bu barədə “Xinhua” agentliyi məlumat yayıb.

Raket yerli vaxtla saat 16:23-də “Donqfen” kommersiya buraxılış meydançasından havaya qalxıb.

“Zhuque-2E Y6” raketi “Qianfan DTC 01” və “China Mobile 02” peyklərini nəzərdə tutulmuş orbitlərə çatdırıb. Missiya uğurlu hesab olunub.

Bu, “Zhuque-2” seriyasına aid raketlərin sayca səkkizinci buraxılışı olub.

Zhuque-2 orta sinif daşıyıcı raketdir və “LandSpace” şirkəti tərəfindən hazırlanıb. Yanacaq kimi maye oksigen və maye metandan istifadə olunur.

Bu raket metan yanacağı ilə işləyərək kosmik orbitə çıxan dünyada ilk raket hesab edilir.

Sevinc Əliyeva
Ordu.az