Ordu.az xəbər verir ki, bunu iyunun 9-da jurnalistlərlə görüşü zamanı Ermənistanın “Hayastan” blokunun siyahısında yer alan parlament deputatı İşxan Sağatelyan deyib.
Onun sözlərinə görə, bir sıra seçki məntəqələrində səslərin yenidən hesablanması tələbi ilə müraciət olunub və bu tələblə yalnız onların siyasi qüvvəsi deyil, digər müxalif birliklər də çıxış edib.
“Bu həftənin sonunadək respublikanın müxtəlif seçki məntəqələrində yenidən hesablama aparılacaq. Aydındır ki, bəzi məntəqələrdə protokollarda göstərilən məlumatlarla Mərkəzi Seçki Komissiyasının saytında yerləşdirilmiş məlumatlar arasında uyğunsuzluqlar var. Bizim əlimizdə məntəqələrdən alınmış imzalanmış və möhürlənmiş protokollar mövcuddur, lakin saytda tamamilə fərqli rəqəmlər göstərilir”, - deyə Saqatelyan bildirib.
O, misal olaraq Çarentsavan şəhərində yerləşən 27/26 saylı seçki məntəqəsini göstərib.
“Protokolda “Hayastan” blokunun 112 səs aldığı qeyd olunub, lakin Mərkəzi Seçki Komissiyasının saytında bizim qarşımızda 8 səs göstərilir. Digər bir məntəqədə, 29/39-da protokolda 117 səs yazılıb, saytda isə 80 səs göstərilib. Komissiya bunu texniki səhv kimi izah edir”, - deyə erməni deputat vurğulayıb.
Sağatelyan qeyd edib ki, Ermənistan Mərkəzi Seçki Komissiyasının internet saytı tez-tez fəaliyyətini dayandırır və bu səbəbdən protokollardakı məlumatları saytda yerləşdirilmiş nəticələrlə müqayisə etmək mümkün olmur.
Onun sözlərinə görə, “Hayastan” blokunun əlində bütün 2005 seçki məntəqəsinin protokolları var və hazırda həmin məlumatlar ümumiləşdirilir.
“Blok təxminən iki onlarla seçki məntəqəsində yenidən hesablamanın aparılması üçün müraciət edib. Biz seçkilərin nəticələrinə etiraz etmək üçün Konstitusiya Məhkəməsinə müraciət etməyə də hazırlaşırıq. Seçkilərin təzyiqlər şəraitində, azad və ədalətli olmayan mühitdə keçirildiyi aydındır. Bununla bağlı çoxsaylı faktlar mövcuddur. Hazırda müvafiq sənədlər paketi hazırlanır və Mərkəzi Seçki Komissiyası yekun nəticələri elan etdikdən sonra bu yolla da irəliləyəcəyik”, - deyə o qeyd edib.
Sağatelyan əlavə edib ki, Ermənistan Konstitusiya Məhkəməsinin tərkibini və onun hakimiyyətə bağlılığını nəzərə alsalar da, möhkəm sübutlarla məhkəməyə müraciət etmək niyyətindədirlər.
Alpər Mövludoğlu
Ordu.az
