Ordu.az xəbər verir ki, bu barədə MKE şirkəti məlumat yayıb.

Türkiyə Silahlı Qüvvələrinin daxili təhlükəsizlik əməliyyatları, hava əməliyyatları və komando bölmələrinin atəş dəstəyi ehtiyaclarını qarşılamaq məqsədilə hazırlanan BORAN yüksək hərəkətlilik və sürətli yerləşmə xüsusiyyətləri ilə seçilir.

105 mm çaplı və 30 çap uzunluğunda lüləyə malik olan BORAN dəniz səviyyəsində 17 kilometr mənzilə çata bilir. Sistem dəqiqədə altı atış həyata keçirmək imkanına malikdir və bir dəqiqədən daha az müddətdə döyüş mövqeyinə yerləşdirilərək atəş açmağa hazır vəziyyətə gətirilə bilir.

Atəş İdarəetmə Sistemi ilə birlikdə ümumi çəkisi 1745 kiloqram olan haubitsa “Sikorsky S-70” helikopterləri və müxtəlif yüngül nəqliyyat vasitələri ilə daşına bilir. BORAN -3 dərəcədən +70 dərəcəyədək yüksəliş bucağında, həmçinin sağa və sola 8 dərəcəlik yan atəş imkanına malikdir.

Sistem -32°C ilə +44°C arasında dəyişən temperatur şəraitində səkkiz saat fasiləsiz fəaliyyət göstərə bilir. GPS dəstəkli Atəş İdarəetmə Sistemi və panoramik nişangahlarla təchiz olunan BORAN klassik mövqe tutma prosedurlarına ehtiyac olmadan sürətli şəkildə yerləşdirilə bilir.

Xüsusilə komando briqadalarının və hava-desant bölmələrinin ehtiyacları nəzərə alınaraq hazırlanan BORAN yüngül konstruksiyası, hava ilə daşına bilməsi və qabaqcıl atəş idarəetmə sistemi sayəsində öz sinfinə məxsus sistemlər arasında mühüm yer tutur.

Sınaqlar zamanı əldə edilən 33 saniyədə 12 dəqiq zərbə göstəricisi sistemin yüksək atəş tempi və əməliyyat effektivliyini bir daha nümayiş etdirib.

Sevinc Əliyeva
Ordu.az