“Marlin”dən “Kuzgun” raketi ilə ballistik sınaq atışı uğurla həyata keçirilib - VİDEO
Oxunub: 671
15:38
02 Oktyabr 2024
Türkiyə Müdafiə Sənayesi Komitəsinin (MSK) koordinasiyasında ASELSAN və “Sefine” Gəmiqayırma Zavodu arasında əməkdaşlıq çərçivəsində yerli və milli olaraq inkişaf etdirilən “Marlin” Silahlı İnsansız Dəniz Platformasından (SİDP) “Kuzgun” qanadlı raketi ilə ballistik sınaq atışı uğurla həyata keçirilib.
Ordu.az xəbər verir ki, sınaq atışının görüntülərini Türkiyə MSK sədri Haluk Görgün paylaşıb.
“Marlin”in üzərində ASELSAN tərəfindən inkişaf etdirilən kəşfiyyat və müşahidə sistemləri, təkmilləşdirilmiş missiya idarəetmə sistemləri, yüngül silah sistemləri və qabaqcıl alqoritmləri ehtiva edən avtonom naviqasiya sistemləri yer alır.
ASELSAN “Marlin” layihəsində uzaqdan idarə olunan yüngül silah sistemi, kəşfiyyat və müşahidə sistemləri, eləcə də radioelektron mübarizə sistemi kimi bir çox fərqli sistemi SİDP-yə inteqrasiya edib.
Bundan əlavə, avtonomluq imkanlarını yerinə yetirən alt sistemlər də ASELSAN tərəfindən inkişaf etdirilib.
