Ordu.az xəbər verir ki, məqalələr silsiləsinin üç hissəsində Babayan Ermənistanın mövqeyinin üç variantını, onların hər birinin Ermənistan və Cənubi Qafqazda maraqlı olan geosiyasi mərkəzlər üçün ehtimal olunan nəticələrini təhlil edib.

3-cü hissədə o qeyd edib ki, Qərb və ya Rusiya-Gürcüstan-İran vektorlarından hər hansı birinin seçilməsi digər geosiyasi mərkəzlə (mərkəzlərlə) toqquşmaya gətirib çıxaracaq, bunun da Ermənistan üçün açıq-aşkar ağır nəticələri olacaq.

“Lakin qeyd edildiyi kimi, Ermənistan geosiyasi maraqların toqquşma qovşağına çevrilmə ehtimalını nəinki minimuma endirmək, həmçinin istintaq etmək üçün coğrafi mövqeyinə görə bərabər imkanların çoxvektorlu siyasətini həyata keçirə bilər və həyata keçirməlidir”, - deyə o vurğulayıb.

Babayan bildirib ki, regionun Azərbaycan və Türkiyədən enerji asılılığını şaxələndirmək və eyni zamanda regionda həddindən artıq gərginliyi neytrallaşdıracaq balans yaratmaq lazımdır.

“Beləliklə, Qərb ölkələri eyni vaxtda üç ölkədən - Rusiya, İran və Azərbaycandan qaz idxal etmək, müvafiq olaraq idxalçı ölkə (ölkələr) və qiymət siyasətini seçmək imkanı əldə edir”, - deyə o əlavə edib.

Alpər Mövludoğlu
Ordu.az