Ordu.az xəbər verir ki, bu barədə “Defense Express” Rusiya mənbələrinə istinadən məlumat yayıb.

İddiaya görə, Ermənistan Silahlı Qüvvələri 3 ədədə qədər S-300 HHM sistemi və bir neçə “Buk SAM” sistemini Ukraynaya verib.

Bu vəziyyətin Fransa ilə imzalanan müdafiə sənayesi müqavilələrindən sonra yarandığı da Rusiya mətbuatında qeyd olunub.

2023-cü ilin noyabrında İrəvan Fransadan 3 ədəd “Ground Master 200” radarının və bir neçə “Mistral” portativ HHM sisteminin alınmasına dair müqavilə imzalayıb.

Ermənistan, həmçinin 2023-cü ilin noyabrında Hindistandan 720 milyon dollar dəyərində 15 ədəd “Akash” orta mənzilli HHM sistemi sifariş edib və bu sistemlər 30 km-ə qədər məsafədəki hədəfləri önləyə bilir.

İddia olunur ki, bu sifarişlərdən sonra Ermənistan Fransanın tələbi ilə əlində olan S300 HHM sistemlərini Ukraynaya göndərib.

Sevinc Əliyeva
Ordu.az