Ordu.az xəbər verir ki, avqustun 30-da “Europe 1”ə müsahibə verən “Dassault Aviation” şirkətinin Baş direktoru Erik Trappier artıq Serbiyaya satılan 12 ədəd “Rafale” döyüş təyyarəsinə əlavə olaraq ilin sonuna qədər yeni satış müqaviləsi imzalamaq imkanından danışıb.

Lakin sözügedən potensial müştərinin adını açıqlamayan Trappier müxtəlif fərziyyələrə səbəb olub. Bu fərziyyələr arasında müxtəlif ehtimallar qiymətləndirilir.

Məsələn, Yunanıstan “Mirage” 2000-5 döyüş təyyarələrini istismardan çıxardıqdan sonra “Rafale” parkını gücləndirməyi planlaşdırdığı üçün bu müştəri ola bilər. “Dassault”un təyyarələri ilə maraqlandığını bildirən Kolumbiya da tez-tez adı çəkilən İraqla birlikdə yarışda ola bilər.

Bundan əlavə, müqavilə Hindistan tərəfindən 26 ədəd “Rafale M” (Marine) döyüş təyyarəsinin alınması ilə bağlı ola bilər. Belə ki, bu müqavilə hazırda Hindistan səlahiyyətlilərindən təsdiq almağa yaxın görünür.

Sevinc Əliyeva
Ordu.az