Ordu.az xəbər verir ki, bu raketlər növbəti hərbi yardım paketinə daxil edilə bilər.
AGM-158 JASSM qanadlı raketlərinə əlavə olaraq, Ukraynanın Rusiya ərazisinə hücumlar etməsinə icazə verilməsi Ukraynanın hərbi gücünü əhəmiyyətli dərəcədə artıracaq.
“Reuters” agentliyinin adı açıqlanmayan ABŞ rəsmilərinə istinad edərək verdiyi məlumata görə, hərbi paket təsdiqlənsə belə, tədarükün cəbhəyə çatması aylar çəkəcək.
Xüsusilə, növbəti hərbi təchizat ayırmalarından birinə AGM-158 Birgə Hava-Yer “Standoff” Raketlərinin (JASSM) daxil olacağı gözlənilir. Lakin yekun qərar hələ verilməyib. Ağ Ev bu uzun mənzilli raketlərdəki “həssas texnologiyalar”ın Rusiyanın əlinə keçməsindən narahatdır.
Ukrayna Sovet dövründən qalma təyyarələrinin JASSM-ləri ata bilməsi üçün intensiv səylər göstərir. JASSM-lər 2024-cü ilin sonu və ya 2025-ci ilin əvvəlində Ukrayna Hərbi Hava Qüvvələrinin istifadəsinə hazır ola bilər.
Sevinc Əliyeva
Ordu.az
